› 選擇地區
三藩市
紐約
洛杉磯
其他美國地區
香港 台灣 北美
 
2017年07月21日

隔牆有耳:娥特愛睇瓊瑤亦舒刨烹飪書 - 李八方

林鄭噚日同青年逛書展,現場人頭湧湧。易仰民攝

特首林鄭月娥噚日到書展出席青協舉辦嘅與青年對談活動,透露以前係書展常客,囝囝小時差唔多年年帶佢哋逛書展,自己年輕時愛睇公仔書、瓊瑤及亦舒嘅小說,以及會睇烹飪書,相信只要有材料,照住本書寫嘅就煮到,但近年因工作忙碌較少閱讀。
大會其後安排青年分別送咗一本製作布甸同籃球運動員林書豪嘅書畀林鄭,林鄭笑言因為血糖問題近年已經少吃甜品,但係可照書炮製甜品畀囝囝品嚐吓,又指好敬佩運動員,同唔少運動員成為朋友,例如傅家俊、前羽毛球港隊陳念慈、前港隊單車隊成員黃金寶同「牛下女車神」李慧詩。
問到做特首會否轉變髮型、家庭生活等,她話係咪轉髮型要先問過佢嘅髮型師,又為有雜誌話佢光顧「地踎」髮型屋而為髮型師抱不平,稱有關說法「傷咗髮型師嘅心」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載