› 選擇地區
三藩市
紐約
洛杉磯
其他美國地區
香港 台灣 北美
 
2017年07月21日

隔牆有耳:美齡姐姐眼濕濕 娥姐打氣 - 李八方

之前傳媒誤傳過旅日歌手陳美齡做教育局局長,令佢曝光率即時急升,早排上完《城市論壇》,噚日又現身書展推介自己本自傳《人生的38個啟示》,講自己歷年做過歌手,後來又走去讀教育博士嘅經歷,提到當年去海外升學,卻遇上爸爸患膽石入院,最終爸爸手術失敗離世,陳講到眼濕濕,似乎仲好自責。

呢頭咁感觸,轉個頭佢驚見「娥頸橋之戀」女主角陳玉娥!原來娥姐問答環節舉手發問,首先話自己同陳美齡好有緣份,大讚陳美齡教育見解獨到,原來娥姐落街買報紙先知美齡姐姐有講座,所以噚日特登去捧場,仲讚陳做唔到局長都可以喺教育方面做啲貢獻,陳美齡當然以笑回報娥姐咁欣賞佢啦!娥姐仲用自己選過新東立法會嘅失敗經歷「勉勵」陳美齡:「我係選唔到,落選咗新東,但我爆紅咗!」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載