› 選擇地區
三藩市
紐約
洛杉磯
其他美國地區
香港 台灣 北美
 
2017年07月01日

醜x怪回歸裝飾市民點睇

香港正式踏入回歸20周年,各區亦陸續出現不少「強國風」的慶祝擺設:「國旗陣」、巨型燈牌、「花燈大雜燴」,以至大字報式的宣傳橫額,不論在路邊、天橋、商廈外牆、以至隧道入口都能看到。港府大灑6.4億元舉辦或贊助多項慶祝活動造勢,當中民政事務總署負責於各區佈置燈飾和大型裝置,單計東區已花逾百萬元設置燈飾,認為可增添歡樂回歸的節慶氣氛。但有受訪市民認為擺設「一啲都唔靚」;本地設計師更狠批質素水平等如小學生勞作。
記者 梁銘恩

宣傳擺設分別由各區民政事務處、區議會自行負責,風格不一水平參差,如中西區以活力香港為題擺放了巨型花燈擺設,包括騎馬、高鐵、帆船和紫荊花為造型的花燈;東區則以大型字樣燈飾為主。民政處稱認為燈飾可增添區內回歸節慶氣氛,惟受訪市民普遍認為擺設設計普通並不起眼,未能感受歡慶氛圍。

記者分別在北角和鰂魚涌掛有回歸燈飾牌的街道附近,隨機訪問市民看法。街坊費先生指根本未有留意到燈飾,「你唔問我我都唔知」,談到擺設有否加強回歸氣氛,他指「見都見唔到(氣氛)點會濃烈」,認為燈飾「一啲都唔靚」。他認為7.1在普遍市民心中只是一個公眾假期,「講咩回歸慶祝呀,得個政府喺度慶祝咋,老百姓邊有慶祝呀」。陳小姐亦指設計平庸,當區市民對區內擺設亳無話語權,「無論你反對,你覺得有問題但佢哋覺得需要都係會做」。

民政署回覆查詢時指,在東區分別於行人天橋位置、海濱公園和迴旋處等7個地點設置燈飾,一共花費共1,016,891元,包括燈飾設計、承造保養及裝拆費用。本地設計博客「中央聖學子」嘲諷「設計質素同特區施政水平很一致」、「睇落好似小學生勞作」,設計語言流於七彩繽紛,並強行埋砌喜慶氣氛,「more is more(多即是好)」為典型的官僚作風。他以中西區的花燈擺設為例,「後面有啲水、整條高鐵、下面有18區,跟住整香港兩隻字、有啲花咁」,接著「繽繽紛紛咁著咗燈,啲市民就影相、打卡咁樣,就係咁」。

學子稱,燈飾偏好大字標題扼殺了設計的想像空間,「好低層次,當受眾係小朋友咁」。他透露,行內不少設計師都不願接這類型的工作,以致質素差劣,「回歸依啲咁紅嘅job,做咗都唔敢寫落cv啦」。

除了政府率頭搞宣傳,亦有商業機構自發慶回歸,如新鴻基地產在大廈外牆加建大型燈飾、尖沙咀帝國中心外牆的LED屏幕亦有展示中國國旗,祝賀回歸;在西隧的收費廣場行人天橋的多個巨型廣告板,已換上紅底黃字寫上「香港與祖國同命運,紫荊與國旗相映輝」等字句。

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載