› 選擇地區
三藩市
紐約
洛杉磯
其他美國地區
香港 台灣 北美
 
2017年06月27日

斥689旁門左道
周梁:要續查UGL案

周梁指梁振英升呢政協副主席,ICAC對UGL案也應公正處理。
邱仲權攝

【本報訊】特首梁振英卸任在即,廉署調查梁涉及的UGL案卻未有下文,「香港人對新特首係有個期望,有啲事覺得唔妥嘅、種種迹象顯示係有問題而不獲解答嘅,somehow係要有個了斷,公公正正咁解決」!自由黨榮譽主席周梁淑怡認為UGL事件懸疑未解,梁私通議員修改立法會文件更屬「旁門左道」,直指:「就算佢(梁)落咗任,個case都未完,咪一路查囉!」
記者:許偉賢

周梁曾在梁振英被揭私通民建聯周浩鼎修改立法會專責委員會文件後,越洋透過facebook發文反問:「你既然說自己清白,哪還怕甚麼?」她接受訪問時直指,作為特首沒理由不知道行政與立法各有功能,「佢(梁)係唔可以叫啲議員『你幫我做啲乜』㗎嘛」,尤其被調查者正是梁本人,更應避嫌,指梁有權正式去信委員會表達意見,「唔到你旁門左道咁影響任何一個調查委員會成員。」她同時指周浩鼎堅持無隱瞞,顯示對委員會工作誤解極深,「你(周)做副主席係代表緊成個委員會,唔係代表緊你個人」。
周梁認為,UGL事件關鍵之處是為何梁振英堅持不申報;問及梁不時指收取的5千萬,該協議為上任前簽定因此毋須申報,周梁反駁指梁收錢時間卻是出任特首後,且條文中有條款延續他對UGL公司的義務,「即係如果要幫UGL做啲嘢係上任特首後,咁點解唔申報呢?如果你有合理辯解,公眾唔係唔識分道理嘅」!

指特首不在法例之上

梁振英不時指民主派跟進UGL是政治炒作,周梁卻指市民確實對此事存疑,且事件涉及公職人員有否申報,屬大件事而非小事,「你越係唔答,香港人心裏面就有條刺,點解唔答呢」?1993年曾於立法局提出以特權法成立專責委員會調查前廉署執行處副處長徐家傑被解僱風波,回歸前亦曾擔任專責委員會主席調查前入境處處長梁銘彥離職事件的周梁更指,現時立法會要成立專責委員會較以前艱難,「𠵱家似乎差唔多掂到高官,就唔慌旨意過到,都唔係議事論事」。
已貴為國家領導人級別的政協副主席梁振英,反覆稱中央滿意其對UGL事件的解釋,周梁直言不清楚他向中央報告的內容,強調公眾是關注的是他作為公職人員有否申報,「無論煲呔、許仕仁甚至長毛,都受管制,就算你係特首都唔可以喺法例之上。

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載