› 選擇地區
三藩市
紐約
洛杉磯
其他美國地區
香港 台灣 北美
 
2017年06月16日

梁特為下屆政府埋炸彈

梁振英

【拆局】
特首梁振英昨突然對取消強積金對沖問題擺出強硬立場,揚言要在本月底前敲定最後方案。不少政界人士認為,梁急於離任前解決強積金對沖問題,除了要完成選舉承諾、為其任內再添政績外,有人猜測梁為下屆政府埋炸彈,「就算政府夾硬過咗一個勞資反對嘅取消強積金對沖方案,唔會解決到問題,只係留個更大爭議畀下屆政府」。

相關新聞:縮骨僱主或借故炒人

任期完結前突然企硬

有勞工界人士稱,早在梁上任第二年,不論工聯會還是工黨,均敦促梁要着手解決取消強積金對沖問題,「當時梁振英態度係冇商界同意根本搞唔到,當時勞工界叫政府強硬啲,反正有2、3年時間等商界接受」,但梁不斷拖延處理,現在卻反其道而行,「佢有3、4年時間就唔強硬(取消強積金對沖),𠵱家得番兩個星期任期,又忽然企硬推一個勞資都反對嘅方案」。
另一政界人士直言,從行會內勞資雙方均反對方案,可見有關方案就算強行拍板,亦不能解決取消強積金對沖問題,只會將爭議延續到下屆政府,「到時如果林鄭月娥唔用呢個方案,咁林鄭就孭咗令強積金冇得取消對沖嘅責任」。
■記者莫劍弦

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk

相關新聞:行會討論不得要領 政府新方案撤遣散費對沖 勞資均不收貨

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載