› 選擇地區
三藩市
紐約
洛杉磯
其他美國地區
香港 台灣 北美
 
2017年06月10日

【香港20年】
陳太憶英殖最後48小時 
嘆50年不變走樣

【本報訊】20年前香港主權交接,其中一位最受矚目的人是首位華人布政司陳方安生。一張20年前的新聞相,這位香港鐵娘子安坐五星旗及米字旗下中央見證過渡。陳太感嘆「短短20年,港人治港、高度自治正不斷削弱」。回望主權移交關鍵48小時,當年的不捨、忐忑、50年不變的願景,恍如隔世。
記者:呂麗嬋 林俊謙

相關新聞:回到英殖時:市民排通宵申特區護照

凝視着一幅20年前主權移交一刻的老照片,「全部仍然係朋友」,陳太看得仔細。除了前律政司馬富善返回英國老家及已病逝的前房屋局長黃星華,她說那些年,相中過渡團隊儘管各散東西,大部份仍留守香港,如前衞生福利局長霍羅兆貞及前規劃環境地政局長蕭烔柱,不時有聚會;與正保釋等候上訴的前特首曾蔭權更定期每月聚餐。就算是政見不同的梁愛詩,她說再見亦是朋友,多年來仍互相尊重。至於當晚獲安排坐正中央,陳太說是順理成章。

「想人心回歸應履行承諾」

「我冇過問座位安排,嗰時係政務司長(布政司),領導同事過渡回歸,左右都係我嘅團隊成員,我自然喺中間」,她笑指感覺矚目或與身穿紅衣有關。「我覺得回歸係一個歷史性、值得慶祝嘅大日子,所以着紅色」,紅外套下是一襲富東方色彩的紅色旗袍。這套戰衣,陳太謂早於7、8年前已捐給香港歷史博物館。「佢哋話有個旗袍展覽,咁我有啲比較獨特嘅旗袍,就捐咗幾套畀佢哋」,陳太直言感不捨。
1997年6月30日晚,軍號響起,英國旗降下,象徵150多年的殖民地統治結束。中英談判、主權移交,曾幾何時,50年不變是未走樣的願景,「正如鄧小平先生講,應該一切都冇變,除了換咗支國旗,同埋有個行政長官取替港督,其他樣樣都照常運作」。
「當時我哋對一國兩制、鄧小平呢個高瞻遠矚嘅構思,抱有好大期望,但短短20年,你可以見到一國兩制、港人治港同高度自治,日日喺度削弱,近期中央嘅表現,越嚟越罔顧香港人嘅睇法同感受,大家都關心再咁持續去削弱,係咪唔使去到2047年,香港已經冇咗兩制?」面對當前香港,陳太直言感到不開心,社會撕裂、前景晦暗未明,但她寄語港人要繼續站出來,為香港發聲。
「我佩服年輕人有勇氣行出嚟,係要好大勇氣同好大犧牲」,陳太重申不支持港獨,但希望中央明白有人鼓吹獨立,是因中央持續干預及特區政府表現令人失望,「如果想香港人嘅心回歸祖國,最好就係中央履行承諾,重回正軌,好好咁落實一國兩制、港人治港、高度自治」。

相關新聞:回歸百科:【雙非】

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載