› 選擇地區
三藩市
紐約
洛杉磯
其他美國地區
香港 台灣 北美
 
2017年06月08日

辭行會反惡法 田北俊:冇做錯

田北俊指現行法例已可以處理佔中及議員宣誓風波。

【本報訊】「如果政府當年硬闖23條,2003年7月,香港已經可能有暴動」。2003年7月1日,民陣以反23條立法會主題號召到50萬人上街,更號召市民於審議當日包圍立法會,但政府堅持如期於7月9日硬闖立法會,就在這關鍵時刻,時任自由黨主席的田北俊上京後回港,宣佈辭去行政會議職務並反對草案恢復二讀,迫令董建華煞停立法。14年後話當年,田北俊仍認為自己當日「冇做錯到」。

相關新聞:曾俊華胡官再提立法 反響不大

笑指CY港獨之父

要談對錯,田北俊認為要回到2003年的時空,當時香港爆發沙士,失業率逾8%,如果23條此時硬闖,董建華政府只會更難管治。田自言無從推測2003年到今年,沒有23條的香港是更好還是更壞,但他指出直至梁振英上任特首前,沒有23條,亦沒有港獨,「CY呢幾年做特首先至辣着所有火頭,所以我哋建制都好多人講笑,『梁振英作為特首就係港獨之父』,講笑咁講啦」。他更指,即使是佔中以至議員宣誓風波,現行法例已經可以處理。
不過中央處理23條的手法,反而引起他另一憂慮。田自言當時以為政府過不久將重提23條,但中央的看法是,「你哋唔接受,唔會話聽日要、明年要、後年要,我就拎番畀你」,即使重來亦非以上次討論作起點。他說,23條香港人不想要,擱置10多年當然不會有人追着中央要求立法,但引伸到政改問題,中央態度亦然,「可能8.31方案佢都唔會再拎出嚟,因為一通過,泛民容乜易拎到400幾票,容乜易過600,擺個泛民畀全港市民選」。
有指2003年後中央收窄對港政策,田北俊不表認同:「皇后大道冇變人民大道,當然你話𠵱家中國銀行喺香港嘅影響力大過匯豐,或者中國人壽大過AIG,或者好多地被內地地產商買咗,呢個係循序漸進。」就連李波事件,他亦認為只是個別情況。
不過田補充:「暫時一國兩制、高度自治做得好好,除咗政治。」田說,單是今屆特首選舉,中聯辦以至全國人大委員長張德江大力為林鄭月娥拉票,「特別係工商界會認為呢個根本唔係選舉,我爭取做選委,代表界別或者香港市民去選,但得到嘅結果係日日收電話叫我支持林鄭」。然而他認為在中央眼中「最信任嘅行政長官嘅演繹只係邊個聽話啲」。
■記者陳雪玲

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk

相關新聞:曾鈺成梁愛詩倡斬件立23條

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載