› 選擇地區
三藩市
紐約
洛杉磯
其他美國地區
香港 台灣 北美
 
2017年05月23日

首談被踢出鷹君董事局:小小犧牲
羅啟瑞哽咽「願天下母親有孝順兒女」

【本報訊】鷹君爭產疑雲繼續發酵,本月10日被踢出鷹君董事局的羅家孻仔羅啟瑞昨首次開腔,形容被踢出局只是「(為母親)小小犧牲」,提到父母、鷹君創辦人羅鷹石及羅杜莉君(羅老太)時,更兩度哽咽落淚,強調並無爭產,又指母親入稟告匯豐信託,「(子女)唔應該異議!即刻可以將我哋權益放棄」。
記者:方楚茵

羅啟瑞被踢出鷹君董事會,可說是連日來羅氏兄弟爭端的序幕。然而羅啟瑞對被踢出局因由欲語還休,指「答案可以好長…呢啲小小犧牲,係為咗媽媽奔跑嘅話在所不計」。
繼二哥羅旭瑞表態後,羅啟瑞亦強調事件非爭產,指此說法令父母名譽受損,是很大侮辱,「絕對有違佢哋起初幹一番事業嘅意願」。他談到父親早前在港打拼時更眼泛淚光,停頓數秒。

相關新聞:父拍板發展朗豪坊

稱全家獲邀母親節飯敍

羅啟瑞又指,母親告匯豐信託全因對方不遵從她意願,才想拿回資產,子女雖已為信託受益人,但「媽媽要拎番佢同爸爸辛苦經營六、七十年嘅嘢,我地唔應該異議」,為此更可「即刻就可以將我哋嘅權益放棄,我哋嘅嘢都可以唔要啦」。
提到羅老太被指遭隔離,他舉多個例子反駁,包括5月5日三哥羅嘉瑞細仔、5月8日五哥羅鷹瑞太太,以及5月9日長女羅慧端均曾致電母親。母親亦早在4月底通知全家將於5月11日開會,不明為何羅嘉瑞在5月10日表示找不到母親,「我相信佢可能只係講笑」。
不過,有消息人士反駁,稱羅老太的電話並非如羅啟瑞所指輕易接通,羅嘉瑞細仔、羅鷹瑞太太均要致電羅老太近身工人,才能與羅老太短暫通話;羅慧端成功致電羅老太,全因她負責羅老太私人賬戶,有急事才成功駁入酒店找到母親。
羅啟瑞又指,早前母親節飯敍,羅旭瑞早就要求秘書發電郵邀請全家,部份人回覆不出席,故對於羅嘉瑞同日早上探訪母親時受阻,他認為是不合邏輯,質疑「全件事都係母親節嘅一個搞笑」。可有影響手足情?「我百分百assure(保證)你,一日係兄弟永遠都係兄弟,𠵱個係冇得改變嘅事實」。

強調羅老太清醒精靈

訪問期間,羅啟瑞多次表明羅老太清醒、精明、精靈,並與包括至少4至6名醫生及律師等接觸,若非得到她指示及許可,他與兄弟姊妹「絕對唔敢去作出決定或採取一啲行動」。
及至訪問末段,本已準備離開的羅啟瑞突然又回頭,稱「心血來潮講多句」,指自己已為事情奔跑一年多,有許多感觸,哽咽逾10秒後指「母親節已過咗一星期,但我想趁呢個機會呼籲一下,亦都祝願天下母親可以有孝順嘅兒女」。記者問是否有人不孝或不願為母犧牲時,他指「我都係學習緊,我一世人都係爸爸媽媽照顧我,到今次可以做少少事,好榮幸」。

羅啟瑞記者會語錄

「母親節已過咗一星期,但我想趁呢個機會呼籲一下,亦都祝願天下母親可以有孝順嘅兒女。」

「我百分百assure(保證)你,一日係兄弟永遠都係兄弟,𠵱個係冇得改變嘅事實。」

「14號(母親節飯敍)歡迎大家嚟參加,又點會朝早出現攔阻(羅嘉瑞見母受阻),係不合邏輯,全件事都係母親節嘅一個搞笑。」

「媽媽要拎番佢同爸爸辛苦經營六、七十年嘅嘢,我哋唔應該異議!即刻就可以將我哋嘅權益放棄。」

「(被踢出鷹君董事局)有太多嘢想講,但小小犧牲,為咗媽媽奔跑,在所不計。」

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載