› 選擇地區
三藩市
紐約
洛杉磯
其他美國地區
香港 台灣 北美
 
2017年05月21日

5A狀元賣生油白米

【本報訊】趙睿暉2013年底由英國回港,即加入社企「香港加油」開荒。「大學同學聚舊,我話𠵱家做油,佢哋都會問我係咪買賣緊期油」,貴為英國高考5A狀元,入讀頂尖學府倫敦政治經濟學院(LSE),怎會游走貧困社區賣油賣米?
「返嚟諗住做金融,有朋友話呢度搵義工,問我得唔得閒?」那是4年前「香港加油」剛起步的時候,27歲的趙睿暉最記得到大埔墟賣米的一幕。趙午飯時間見賣菜婆婆吃飯盒,便打算做市場調查,「問佢喺邊度買米,佢話幫襯樓下開客貨車阿叔,5蚊一公斤……」趙嚇了一跳。「我話咁平真係好抵,但好唔好食?點知阿婆一邊扒飯,一邊頭也冇抬就話:『梗係唔好啦,呢啲米係畀豬畀狗食,點會好食吖!』」,婆婆那理所當然的表情,趙深受衝擊:「點解咁富裕嘅香港,仍然會有咁窮嘅人?」

「唔希望窮人被迫用劣貨」

他猶豫了一會決定上馬,並說服母親給自己一年時間。別的同學都在投資銀行或律師樓工作,小小的5人社企薪酬少大截,他說是取捨,「好多人覺得畢業就搵份好工然後儲錢買樓,其實無錯,不過人生唔係只有一條路,仍然可以有好多選擇」。
一星期總有兩、三日擺街站,賣米賣油賣日用品,其餘時間則聯絡供應商,洽談合作。食油、燈膽、牙膏……以低於市場三至五成定價出售,「宗旨係唔希望買嘅人覺得自己窮所以被迫用劣質貨」。
進入第4年,他透露7月將與港鐵合作,於天水圍站開設首間門市,並增設送貨服務,優先聘用「天水圍師奶」,將分銷門路擴大,也讓當區婦女兼職補家計。
■記者呂麗嬋

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載