› 選擇地區
三藩市
紐約
洛杉磯
其他美國地區
香港 台灣 北美
 
2017年05月16日

隔牆有耳:民記區選派餅印搶票
撞樣王尹兆堅改形象 - 李八方

唔少明星都會撞樣,估唔到議會都有個撞樣王,八方相信佢係一路走來,始終如一地冇整過個樣,只係身形脹咗加埋眼鏡,而令佢「人見人撞」咁鬼可愛!呢位自稱撞樣撞到見慣不怪嘅議員,就係民主黨新界西立法會議員尹兆堅。佢笑笑口同八方講,估唔到議會內外,一樣「人有相似」,乜自己個樣真係咁唔特別?
其實喺2015年參加區選之時,尹兆堅已經被指同葵青石蔭選區嘅民建聯對手李世隆好似樣,同樣都係高高大大肥嘟嘟,又戴住副眼鏡,當時有白鴿黨中人仲笑稱,會唔會有街坊認錯人而投錯票?而最終阿尹係輸咗嘅……

似林健鋒定劉國勳?

點估到入埋立法會,撞樣情況仲嚴重咗?尹兆堅話入咗立法會後,分別有人話過佢似經民聯林健鋒以及民建聯劉國勳,佢個人估計,除咗身形同髮型有啲似,元凶可能係副眼鏡,「戴住副有框眼鏡,就俾人話我哋似樣」。既然身形好難變(唔通真係可以突然減磅咩),惟有改形象,佢最近索性換埋副眼鏡,希望做番「真.尹兆堅」,笑言:「希望唔會再有人話我似邊個邊個啦!」

李八方

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載