› 選擇地區
三藩市
紐約
洛杉磯
其他美國地區
香港 台灣 北美
 
2017年05月11日

圖洗太平地 反催谷市民上街

梁振英與林鄭月娥均於慶委會有職銜,梁是榮譽贊助人,林鄭則為榮譽會長。
資料圖片

【拆局】
康文署突然通知民陣,將今年7.1遊行起步點維園足球場,批給香港各界慶典委員會作慶回歸活動。不少民主派對慶委會突與民陣爭場均感意外,認為慶委會今次做法絕非偶然,背後肯定有政治目的,「甚至係政治任務」,表面上似為國家主席習近平訪港「洗太平地」,打壓7.1遊行,但實際效果只會催谷更多人上街,「變相落習近平面」。

相關新聞:工聯會03年「爭場」搞嘉年華

「冇政治目的冇人信」

有民主派人士稱,慶委會非第一年搞慶回歸活動,過去多年他們一直不申請維園足球場,「曾有慶委會成員私下講,總之各有各做,你(民主派)有你哋上街,我有我哋慶祝回歸,你哋唔好搞我哋慶回歸活動,我哋亦唔會搞7.1遊行」。兩大陣營相安無事多年,現在卻突然搶走維園足球場,令7.1遊行無法以維園足球場作起步點,「如果冇人叫佢哋咁做、冇政治目的,根本冇人信,甚至可能係畀慶委會嘅政治任務」。
另一民主派人士更指,表面上慶委會以此打壓7.1遊行,但只會激起市民不滿,變相令更多人上街,「原本唔上街嘅人,因為你慶委會咁搞一搞,最後都上街抗議」,市民矛頭亦必指向訪港的習近平頭上,「咁搞咪即係想變相落習近平面」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載