› 選擇地區
三藩市
紐約
洛杉磯
其他美國地區
香港 台灣 北美
 
2017年04月07日

隔牆有耳:
零出席照留任 李家誠識神交? - 李八方

陳淑莊噚日喺立法會財委會特別會議質問民政事務局局長劉江華。張志華攝

俗語話「多做多錯,唔做唔錯」,呢句說話用嚟形容恒地副主席李家誠同香港研究協會總幹事麥燕薇,就最適合不過。皆因根據民政事務局日前回覆立法會議員書面質詢,兩人喺去年度4次青年事務委員會會議嘅出席率係「零」,一次都冇蒲過頭,但最弔詭係新一屆委員名單入面居然仲見到佢哋嘅大名。
公民黨陳淑莊噚日喺立法會財委會特別會議度,就質問民政事務局局長劉江華呢個任命安排,「係咪佢哋唔想出席?定係你可以同佢哋神交表達意見?」
劉江華回應,委員會成員過往出席率都達到八成嘅,但承認個別人士出席率唔理想,會個別處理咁話,換屆時考慮不再「取用」。佢強調政府希望委員會嘅組成嚟自不同年齡分佈,希望所有委員都能夠喺出席方面表現理想啲。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載