蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年04月07日

西環集中營:
羅致光入閣隨時亮紅燈 - 季陶

25,240
羅致光

林鄭月娥下周日到北京接受任命狀,雖然未有公佈具體行程,但不少政界人士及輿論猜測,林鄭有機會與中央官員討論組班人選問題。有民主派中人認為,林鄭想找民主派背景人士入閣,必定要中央放行,估計林鄭或借今次機會提出有關想法,不過他認為,就算盛傳林鄭想招攬的民主黨成員羅致光屬民主派內溫和人物,要過到北京一關也不易。

西環勢發功阻撓

有民主黨中人稱,其實梁振英當選特首後,也有想過找民主派背景人士入閣,但最後除張炳良外,全部無法過關,「唔好話民主派背景人士,當年聽聞連一啲較開明親建制人士,一樣唔批」,他聽聞除了北京對民主派仍不放心外,另一大阻力是來自西環及建制陣營,「對建制派嚟講,佢哋唔想見到民主派入政府,而西環就更加唔使講」,至於北京會否接受羅致光做局長?另一民主派人士形容機會「一半一半」,「羅致光冇錯係民主黨入面溫和、甚至可以話係保守派,但北京始終有人對『民主黨』3個字好反感」,他認為羅致光能否成功入閣,將反映北京對林鄭有多大信任及支持。
至於民主黨怎樣看羅致光入閣,有「老鴿」直言,「佢(羅致光)入到政府,我哋唔覺特別高興、亦冇乜特別反感」,據聞在特首選舉後,一眾「老鴿」與自由黨榮譽主席田北俊飯局,席間談及林鄭很大機會找羅做局長,當時一眾「老鴿」認為是「預咗」,但不覺得代表改善與民主黨或民主派關係,始終羅一旦加入政府就須退黨,而且民主黨亦不會因羅是前黨友,對他較其他局長寬容,「林鄭真係要改善同民主派關係,係睇佢全面施政手法,而唔係用一個、兩個民主派人士做局長」。

季陶
周一、三、五刊出

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載