› 選擇地區
三藩市
紐約
洛杉磯
其他美國地區
香港 台灣 北美
 
2017年04月01日

認識不足 打工仔無意選用

【本報訊】DIS終於出台,但有工會表示,曾向會員了解他們對DIS認識程度,大部份都是一知半解。工會統計,絕大多數員工無意「過檔」新方案。有打工仔認為,自己血汗錢自己管,對DIS興趣不大。

相關新聞:「懶人基金」Q&A

「100個只有1個話轉」

從事兼職工作的黃先生不諱言從未聽過DIS,記者向他解釋何為DIS後,他指方案或許對年長僱員有用:「起碼年紀大咗,你嚿錢波動冇咁大。」但他自己不會選擇DIS,「覺得自己選擇嘅投資組合更可靠,會知道個回報率」。伍小姐也未聽過DIS,了解過後也無意選擇,「因為投資係應該每個人有自己嘅取向,我唔想人哋幫我選擇。」
工作多年的林先生則一直有管理自己的強積金戶口,認為DIS對不擅管理的市民有幫助,「我覺得係好事,有好多市民都未必會關心自己嘅投資組合係點」,但他指不會揀DIS,因對自己選擇的投資組合有信心。
職工盟副主席張麗霞表示,工會曾舉辦講座向工友介紹DIS,雖然積金局近月已大賣廣告宣傳,但大部份員工仍然「唔知DIS係乜」,關心程度非常低,「可能大家對強積金印象唔係咁好,覺得收費高,回報平平,所以冇乜興趣了解」。
工會曾向會員了解會否跳槽至DIS,「但100個入面,只有一個話會轉」,反映僱員對DIS有保留。她認為積金局應針對61萬個從未作投資指示的賬戶持有人進行宣傳,並以生活化例子解釋DIS的功能。
■記者盧文烈

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載