› 選擇地區
三藩市
紐約
洛杉磯
其他美國地區
香港 台灣 北美
 
2017年03月30日

家長轟政府製「層壓式壓力」

小三TSA爭議不絕,過往有家長帶同兒女示威。

【本報訊】教育局局長吳克儉堅持BCA無誘因令學校操練學童,但有小三家長批評復考TSA,會為學校、學生、家長帶來層壓式壓力,加劇操練,令學生為操練失去學習、休息、玩耍空間,家長根本無選擇:「有邊間學校嘅功課,根本完全唔牽涉TSA?」

相關新聞:689對撤TSA說不大輝禪師妙句評777

校方學生家長受害

周小姐兒子就讀主流學校小三,本年需考小三BCA,她向本報展示其兒子學校課本及試卷,內容明顯仍在使用TSA模式,出題形式、編排均相似。
周認為政府指BCA與操練無關僅是局方一廂情願,「只要TSA(BCA前身)喺度,學校就唔會唔操練,因為唔操練嘅小朋友唔會習慣應試模式、一定唔達標」,終致政府催谷學校、學校催谷學生的層壓式壓力。
她又稱其兒子功課不少是BCA應試題目,為完成額外TSA操練,有時需做至晚上10時,「小朋友連休息、玩嘅時間都無」,亦試過因功課量重不開心,「佢會覺得自己做唔切功課,唔夠時間溫書」。
周又批評政府不讓學校、家長、學生自由選擇,等同令家長無得揀,「除非去讀國際學校或者私立學校,否則,有邊間學校嘅功課,根本完全唔牽涉TSA?」認為BCA同時壓縮學校教學空間,影響親子關係,「試過拍枱鬧佢……一方面想佢做得晒啲功課,但一方面又知啲功課超出佢能力,心情係好矛盾、好心痛」。
同樣有女兒就讀小三的Eric則說不理解TSA復考原因,「如果TSA係唔影響升班,亦唔用嚟做學校指標,咁究竟考嚟為乜?」他指女兒每次為準備TSA需額外花兩、三小時,「仲要因為題型刁鑽,做到佢竧、唔開心」,認為應立即取消BCA。兩名家長均表明不會讓子女參與本年TSA,寧願考試日安排活動讓子女參加。
■記者葉偉東

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載