蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年03月29日
馬上成為壹會員

777原來自己揀
唔做776原因好簡單

以777票當選下屆特首的林鄭月娥出席商台節目時,被問到是否不喜歡得票數字和粗口諧音相近,她笑稱作為天主教徒《聖經》有講「7」是一個「好好嘅數字,幾完美嘅數字」,又稱「七三廿一,走為上著,係咪代前路坎坷?」但她隨即強調自己會嚴肅認真履特首工作。

被問得悉自己以777票當選時,會否感到「咁邪」時,她即指正「唔係咁邪,係咁橋!」她透露點票時有一張問題票,「個張問題票選舉主任認為可以接受,係畀我嘅,之前都已經同我講係776㗎喇!我即刻同隔離李律仁講『咁橋嘅?』」佢講笑話『不如我哋唔要?』」但她認為該張問題票只是印章「擲界」,但投票意向清晰,「係支持我㗎嘛!」故她最終都將該票計算在內。

林鄭又自爆當日其實準備了3份宣言,分別是當選、落敗和第一輪投票未能分出勝負。她承認落選聲明是出自一名青年手筆,「我未睇呀,擺咗喺度諗住唔使睇」,被問到是否因為「信心爆棚」,她笑稱是「做人都係要樂觀嘅,樂觀啲、正面啲、對香港有信心」。

林鄭以往經常著旗袍出席大小場合,但宣佈參選後就改穿粉色套裝居多。林鄭透露是因為競選團隊嫌她穿旗袍「官氣重得滯」。她稱自己是04年派駐倫敦專員時才開始穿著旗袍,以配合在當地出席晚宴,升任政務司司長後又因為多了機會要接待外賓,結果又要穿多了旗袍。她稱競選期間有兩次活動都有穿旗袍,包括公佈完整政綱和出席一場競選論壇,笑言「著旗袍我有信心啲」。

相關新聞:團體轟梁麻木不仁

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載