› 選擇地區
三藩市
紐約
洛杉磯
其他美國地區
香港 台灣 北美
 
2017年03月22日

隔牆有耳:董伯伯愛的呼喚容永祺 - 李八方

容永祺

明年係人大同政協換屆之時,各路「紅」人點樣爭凳仔,一定好好睇。八方最近聽聞政協圈內有位男版「董抱抱」,董建華唔係用行動而係用說話「擁抱」呢位新貴。
話說月初喺北京舉行嘅港澳政協委員聯組會議,全國政協副主席董建華都在席,例牌有班政協委員獲「欽點」發言,專資會創會會長容永祺都係其中一員。有與會者憶述董伯伯中尾段突然話因為仲有時間,可以畀多幾個委員發言,繼而作出愛的呼喚,類似講咗句:「永祺永祺,你在哪裏?」結果容永祺成為全場焦點,人人聚精會神聽佢講啲乜。

盛傳升呢在望

點解董生嗌一嗌可以令在場人士注目?無非因為一直有傳政協換屆時,容永祺係升呢黑馬。其實容永祺連續兩屆獲任全國政協,而佢有份創立嘅專資會近年出產唔少建制派從政者,今屆51個政協選委議席中佢亦佔一席位,盛傳升呢亦未必無因!而喺此永祺傳上位之時,另一永棋陳常委預料退下火線。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載