› 選擇地區
三藩市
紐約
洛杉磯
其他美國地區
香港 台灣 北美
 
2017年03月20日

林鄭:為團結婉拒AO協助

林鄭月娥

【本報訊】近日有政務官打破沉默,大爆林鄭月娥為官時中央集權、自以為是,曾俊華昨於論壇上就此批評林鄭,指不少人對林鄭有很大意見,又指林鄭不如他有前政務官相助。林鄭反駁,不想前政務官陷入分裂,才婉拒本想協助她的政務官,繼而指與她師亦友、曾任職廉署及教育署的余黎青萍支持她,代表她維護和重視香港的核心價值。

相關新聞:三人論壇針鋒相對

曾:好多人對佢有意見

曾向林鄭翻舊賬,指她宣佈辭職當日說要向因其做事方式感不開心的公務員道歉,「我好明白點解佢要道歉,因為確實好多人對佢有好大嘅意見。」
曾今次選戰獲「AO一姐」、公務員事務局前常秘黎高穎怡任競選辦主任、食衞局前常秘李淑儀任資深顧問,曾指除常秘相助,也有20多位退休公僕支持,「我睇到Carrie冇呢樣嘢,一個好嘅領袖係可以吸引叻人幫你,所以一個人有能力可以做到晒所有嘢,只係夥計,呢個唔係領袖。」
林鄭亦主動反擊曾,稱無意吹噓自己班子,轉頭卻把自己班子如數家珍,「我班子入面有懲教署前署長、有水務署前署長,有社署副署長、前助理署長,有入境處前助理處長,有立法會前秘書長」。她繼而解釋為何無政務官相助,稱過去20年在資深政務官圈子有個約兩個月一次的飯局,曾俊華和今次不能入閘的葉劉淑儀也是飯局核心成員,「如果喺呢20幾人嘅飯局,我哋各自請人,一個幫Regina、一個幫John、一個幫Carrie,咁就將團結變成分裂,我唔想咁做,所以我同一啲喺飯局想主動幫我嘅前高級AO講,多謝佢哋好意」。
胡國興亦指林鄭反駁前同事支持之說十分無謂:「如果我要數晒所有嘅法官,我嗰啲舊同事都係支持我,咁你話幾無謂呢,因為法官唔出得嚟,唔可以出得嚟話支持某人某人㗎!」因法官不能表達政治取向,「我好似冇人支持,唔係冇人支持,係唔講出嚟嘅啫!」
■記者姚國雄

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載