› 選擇地區
三藩市
紐約
洛杉磯
其他美國地區
香港 台灣 北美
 
2017年03月16日

八方人物:
港男賣化妝品 靠律師信響朵

80後梁顯聰(Saito)做了打工仔7年,當過侍應、司機,最後一份工是在某大型連鎖化妝品店任推銷員,2015年毅然創業,最初賣韓國化妝品水貨,開業半年已月賺6位數,至今已經開了3間門市,有自己代理的產品。男人賣護膚品不算罕見,而成功除了要有神農氏精神,親試各款產品,更要懂得把握危機,Saito就因一封律師信,轉危為無限商機。
Saito的公司主要出售韓國產品,亦有部份來自日本、歐洲等。他笑言加入美容化妝行業,因為護膚品是女士必需品,「天氣乾女仔會搽面,經濟幾差,佢塊面都會乾」。
創業前在某大型連鎖化妝品店工作,他憶述該公司曾推出一款面膜,中國製造,估計成本只需約20元,但當時售價卻逾600元:「當我賣咗6盒,已經有3個客回頭話敏感,退錢或者換貨。一個良心嘅問題:我點解要幫一間公司賣啲唔好嘅嘢畀個客?我可以賣一啲好嘅畀個客,點解我自己唔開(公司)﹖」
開業初期,他視乎網上哪一款產品熱賣就入貨,客人會追問產品質素,他索性親身試用,「如果發覺啲客話唔好用,寧願擺喺度,又或者送畀客都唔會賣」。他又看準KOL在網絡的影響力,主動與不同美容達人、明星、歌手合作,試用及推介產品,成功將新興品牌打入香港市場。
2015年他幾乎傾盡積蓄,以60萬在將軍澳開第一間門市,Saito自言一開始只賺到自己份糧,3、4萬元左右,守業半年漸見起色,轉捩點由一封律師信說起。他說,當時有某家代理意大利品牌的公司向他發信,指他出售的同款產品,有違商標註冊,又在官網指他賣假貨。

被屈賣假貨 fb爆紅

「我哋冇經香港代理,係直接問韓國代理總公司拎貨,返嚟有單有據,香港代理話我哋賣假貨,我將入貨單同韓國公司對話,喺佢官網貼出來……到最後一次同佢有直接衝突,係佢叫海關去我將軍澳舖頭Check貨,海關要我提供單據,我提供到再同海關哥哥影張相,放喺fb」,此事反而令他在業界名氣飆升:「呢單嘢令我喺同行爆紅,個個都識我公司,唔係佢我都冇今日,多謝佢。」
近年內地自由行銳減,零售業首當其衝,但Saito的目標是本地客,內地人佔不足5%,他明言,不想被內地客牽着鼻子走;專做港女生意殺出血路的他,下個目標是兩年內將門市增至12間。
■記者陳雪玲

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載