› 選擇地區
三藩市
紐約
洛杉磯
其他美國地區
香港 台灣 北美
 
2017年03月11日

隔牆有耳:
稱跟貼UGL案 白韞六︰政協照查 - 李八方

廉政專員白韞六(圖)噚日同傳媒會面,講到梁振英UGL事件,佢就唔肯透露案件內容,但就話自己跟得好貼,冇任何拖延,又話廉署所有案件調查進度良好。講到梁振英因為UGL事件向傳媒同立法會議員出律師信,白韞六就話係其他人嘅事,唔方便講咁多,但佢聲稱CY冇過問過單案嘅進度,又好肯定話就算佢問,自己都唔會講。佢仲同八方講,即使調查對象係政協,廉署嘅調查都唔會受影響。

相關新聞:隔牆有耳:廉署靠i Sir洗底

6月約滿 拒透露去向

舊年廉署人事風波搞到一頭煙,白韞六話𠵱家內部士氣好好,佢成日會同同事溝通,佢仲主動提起李寶蘭「劈炮」單嘢,佢話外界都懷疑𠵱件事係同調查UGL事件有關,知道嘅人就會覺得好好笑,一個人點影響成件案嘅調查,又話如果有同事受壓力做唔正當嘅事,佢自己都會舉報啦!
早前有傳白韞六6月底完約後會唔撈,佢噚日話自己喺廉署打工好開心、好有滿足感,至於係咪真係唔續約,佢就話到時先算啦,又話自己暫時未有任何大計。至於有傳入境事務處前處長陳國基會接棒坐佢個位,佢就話唔想評論,睇嚟都係要等到6月先知結果!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載