› 選擇地區
三藩市
紐約
洛杉磯
其他美國地區
香港 台灣 北美
 
2017年03月11日

隔牆有耳:
薯片訪中學嘆豬扒飯 - 李八方

薯片前日去咗葵青區學校同教育界前線connect。曾俊華fb圖片

薯片叔叔同奶媽噚日除咗喺記協論壇過招,亦各自喺facebook隔空呃like。前日應邀拜訪葵青迦密愛禮信中學嘅薯片叔話,聽咗前線教育工作者同學生對教育嘅親身感受,其間仲同學生撐枱腳,食咗該校學生餐之一、由小食部提供嘅豬扒飯。薯片叔叔話,自己政綱已提出一系列理念同方法回應師生訴求,認為政府未來可作恰當調整及傾斜,令各區學校都有發展前景,學生獲得更理想教育。
奶媽噚日亦唔執輸,趁前日坐渡海小輪返灣仔競選辦時拍片,話自己喺告士打道長大,見證一次一次填海,為香港提供土地,建立今天金融中心。奶媽話,接落嚟嘅工作係美化維港兩岸,「還港於民」,話如果有機會擔任下一屆行政長官,會推動成立「海濱管理局」,「以更多姿多彩的方法,讓市民和遊客享用具吸引力、交通暢達及可持續發展的世界級海濱」。

奶媽搭渡輪都吸嬲

但網民似乎唔太受落,除咗如常畀「嬲嬲」最多,唔少網民亦狂鬧林鄭當年清拆皇后碼頭,更有網民留言:「與民共議?西九故宮博物館你與民共議了嗎?全民退保你又與哪個民共議了呀?」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載