› 選擇地區
三藩市
紐約
洛杉磯
其他美國地區
香港 台灣 北美
 
2017年03月10日

娛樂台捧紅不少女主播

黃翠如

【本報訊】有線娛樂新聞台捧紅不少主播,包括陸浩明、陳貝兒、黃翠如、區永權、衛志豪等。對於九倉考慮終止有線收費電視業務,當年一手創辦有線娛樂台及24小時播娛樂新聞的徐小明,昨在內地接受《蘋果》電話訪問:「私人感情嚟講係好傷感同遺憾。」他指香港電視業近年面對困境,政府應多加支持。

相關新聞:奇妙電視5月開台成疑

翁靜晶冀有線留低

娛樂台前主播陳貝兒接受訪問說:「真係好可惜,有線係我第一間服務嘅電視台,有好多回憶。」有線出身的衛志豪說:「覺得有啲突然同無奈,好希望電視業界可以百花齊放,但現今傳媒行業競爭好大,經營困難,做電視係需要用心堅持,有能力嘅話,希望佢哋可以堅持。」
曾為有線主持節目的翁靜晶,雖曾投訴cut不到有線,但她表明希望有線留低,她說:「希望佢哋可以繼續做落去,畀香港人多一個選擇,王維基個電視台又唔批,我哋𠵱家真係焗睇嗰兩、三個頻道,香港人嘅選擇真係越嚟越少,如果有機會可以挽救,我都好希望佢哋可以留番喺度。」曾是有線中流砥柱的司徒法正,2001年主持王牌節目《怪談》,他指有線是他的發迹地:「好可惜,希望佢哋可以搵到新買家。」
翻查資料,有線2003年7月開播的24小時娛樂新聞台,令無綫陣腳大亂,有線更找了不少跟無綫有合約的歌手或藝人拍宣傳片,但因他們以普通話受訪,並無牴觸無綫合約上訂明「不能以廣東話接受無綫以外的電視媒體訪問」條文,但郭富城、鄭秀文等接受有線訪問時,卻繼續講廣東話,無綫遂下令歌手遵守合約精神。2015年1月,梁特次女梁齊昕在有線娛樂台節目《我係梁齊昕》爆料訴心聲,大爆梁振英多次叫她刪facebook:「唔想我咁癲,咁言行出位!」
■記者何永寧、沈寶茜、周鳳儀

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載