› 選擇地區
三藩市
紐約
洛杉磯
其他美國地區
香港 台灣 北美
 
2017年03月10日

范太:反林鄭即與中央打對台

范徐麗泰

【本報訊】身兼特首候選人林鄭月娥競選辦資深顧問的全國人大常委范徐麗泰、港區人大代表鄭耀棠接連為林鄭背書,范太除揚言中央挺林鄭的「風向係完全冇轉到」之餘,更警告民主派反林鄭,等同與中央打對台和撕裂香港。鄭耀棠雖認為中央不至於不任命3名特首候選人,但覺得3人中林鄭較優勝。

相關新聞:薯片民望放甩成條街七成人估奶媽Win又點解?

鄭耀棠:曾俊華只負責睇數字

范太昨於北京與傳媒茶敍時稱,中央支持林鄭為下任特首的想法,「我認為風向係完全冇轉到嘅,中央係完全冇轉到嘅」,又解釋中央之所以未有明言,是因為「為免被人哋利用嚟話欽點,作為打擊某一個候選人,被人利用作為打擊林鄭月娥」。
范太又反駁曾俊華同時取得民主派和建制派選委提名,較易團結社會說法,指曾俊華的立場與泛民不同,甚至認為民主派因與中央打對台」,才反林鄭做特首,「到底你(民主派)係唔鍾意梁振英或者係唔鍾意林鄭月娥,抑或係你其實唔鍾意中央?」她更警告民主派:「其實你只係想同中央打對台,其實呢個(情況)就唔係香港社會(有)撕裂,而係香港有部份人係想撕裂香港。」
鄭耀棠雖表示現時3名特首候選人都愛國愛港,惟程度深淺有分別,指林鄭做過政務司司長,「從某種角度嚟講個條件係優勝」,因為她經常與中央打交道;而曾俊華以往不過負責「睇數字」,反問「睇數字嘅時候有幾多時候同中央討論啲數字問題呢?」即使曾民意一直領先,鄭也不以為然,「佢(林鄭)唔係衰到貼地吖嘛﹗差少少呢啲所謂民意,但係呢啲民意成日都變嘅」。
專業議政郭榮鏗敦促建制派看清港人最支持哪名候選人,「唔係中聯辦叫佢投邊個就投邊個」。
■記者呂浩然

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載