› 選擇地區
三藩市
紐約
洛杉磯
其他美國地區
香港 台灣 北美
 
2017年02月18日

祭祖派蛋糕 「利是仔都冇」 
鄉親撐煲呔 歸咎遷墳惹禍

【曾蔭權涉貪案】
【本報訊】曾蔭權被裁定一項「藉公職人員行為失當」罪成,暫獲准保釋等候判刑,《蘋果》在法庭宣判前夕,到其位於南海九江新基村的家鄉,村內鄉親都對案情議論紛紛,大部份人深信曾蔭權無辜:「唔信佢係貪(官)囉!」但有村民認為他離任後惹上官非,一切都是遷祖墳惹出來的禍!
記者:林 熊 張 軍 郭美華

相關新聞:辯方律師費料達1,900萬

曾蔭權家鄉新基村位於廣東佛山巿南海九江鎮,素有「小廣州」美譽,河流交錯最適合養魚,被視為「魚米之鄉」,而新基村亦以養魚業最聞名;加上曾家六兄弟姊妹一門五傑,更被村民定為風水寶地。
「我有追睇新聞,曾蔭權涉貪案我都好清楚案情進展。」前村長曾若飛直言,每次曾家回來祭祖均由他接待,感覺曾蔭權為人清廉,不太信他涉貪,「我哋祖訓都有寫明,禮義廉恥,佢讀咁多書,肯定明白過我哋啦,村中冇人信佢有貪。」他更拿族譜說:「呢部本村族譜記載中,曾蔭權官至香港特首係最威水!」

回鄉四次 前呼後擁

曾蔭權自1967年考入政府成為二級行政主任後,仕途平步青雲,他亦不忘祖先曾子之言:「慎終追遠,民德歸厚矣。」先後4次回鄉祭祖,包括1997年當上財政司司長後一家人衣錦還鄉,2001年出任政務司司長時六弟妹及兒子一起返鄉拜山,及至2007年連任特首後再次攜妻回鄉。
鄉親形容他每次返鄉都是前呼後擁,難以親近聊鄉情,不過感覺他身上沒有貪官氣燄,「如果係貪就唔會咁,𠵱家仲要租屋住」。曾蔭權嬸嬸的媳婦亦指出:「(曾蔭權)連(供奉用)線香都冇買嚟!……唔信佢係貪囉!」村民曾婆婆亦笑言:「有拎過嘢返嚟就話貪箒,呢度修路都係(鄉民)自己錢,佢做官又冇帶挈,返嚟一封利是仔都冇。」她猶記得曾蔭權僅得一次向村民送禮:「有一次帶啲蛋糕返嚟,每戶分得一個蛋糕仔。」全村30多戶,每家就只分得一個,「唔知佢孤寒定闊佬!」

相關新聞:各控罪裁決結果

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載