› 選擇地區
三藩市
紐約
洛杉磯
其他美國地區
香港 台灣 北美
 
2017年02月17日

舒適抽水變笠水
admin被抬暗角去?

剃刀品牌「舒適」在情人節七警案宣判所有被告襲擊罪成後,隨即在facebook專頁發帖,指「除了情人節,仲有一樣嘢值得慶祝」,更指「耐就係耐啲,我地有請小鳳姐」,並在文末加上「你哋無做錯不過要坐」,暗寸7警。帖文一出隨即吸逾數千人讚好,有網民讚勇敢,但有人批評公司抽水博話題,同日稍後舒適刪po,惹來網民批評。舒適周四凌晨出po正式跪低,承認當日「出現失誤」,「引起了一些網友對於當日突發新聞的聯想和關注。這並非我們的初衷,如果造成任何不安或困擾,我們表示誠懇抱歉」。

情人節當日有網民對抽水po留言,稱「感到非常失望及噁心。因為你公司的頁面管理員,代表你公司品牌及以身份,以極不尊重和惡意的心態去嘲笑和羞辱其他人」,揚言有生之年不買舒適產品,之後已有人質疑「Admin係咪比人拉咗去暗角?」舒適在周四凌晨出的「抱歉」文,提到「我們一直都堅持創新精神,其中重要的一部分包括了重視用戶的需求、聽取和採納他們的意見。 我們堅信,只有積極接受建議,才能持續引領創新。在此,感謝你們對此事的關注和意見」。

「抱歉」文章一早已吸逾500「嬲嬲」,下款是以公司名義而出,行文用字十分官式,不似以往Admin的輕鬆幽默,有網民估計當日po文的Admin已被炒,認為今次是高層「老屎忽」插手,網民力撐「admin你無錯!」一向出很多諷刺po的「唐生大地震」專頁亦有留言,指「你唔刪文道歉,班冇腰骨藍屍狗一樣會用你啲產品
反而你刪文道歉,就變成有腰骨既香港人唔會支持你地。出原po果個關公唔X,諗到向藍屍跪低先係最X」。

事件與去年法國化粧品牌Lancome引發的公關災難有點類似,當時Lancome 24小時內兩度「引爆」公關災難,先與歌手何韻詩割席,之後又取消合作的音樂會,兩出聲明被網民瘋傳狂鬧,由本來獲力撐「有種」變被唾棄。

網民留言:
Aaron Au:要求admin?文(或者已經炒咗 admin)個位高層,放心我一定幫你share呢篇文送reach俾你,因為你一個低X能自X大嘅決定,可以將 #Schick係香港建立嘅品牌形象一鋪清袋,真係X到無朋友。你知唔X知你公司賣咩架?賣形象架,你sell客係sell緊用你產品好型呀,你唔X係以為啲伙記好似你咁對住大陸就X軟好X型呀?#Schick已完#關公教材。

Ray Lam:我今日先睇到呢單野,尋日出post果個admin無錯。不過我依家知道貴公司企邊一邊啦,你地食屎啦。我用緊貴公司的Hydro 4剃鬚刀,差不多到期換,下次我會買返吉列。食蕉啦你地。

張振東:admin你無錯@!!!

Sunny Chan:你個回應先係關公災難,你地呢次真係吉列,應該好舒適啦!

King Leung:而家兩邊不是人,決定跪低嗰個唔知食乜大嘅呢!

Ellen Lam:明明平時都玩開敢言,指名道姓抽水你都玩過,點解而家咁小事就跪低?咁以後仲出咩 post 好?啲高層老屎忽係咪無X腦?

相關新聞:以胸襲警案官遭恐嚇 警拘網民

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載