› 選擇地區
三藩市
紐約
洛杉磯
其他美國地區
香港 台灣 北美
 
2017年02月17日

隔牆有耳:
2,000呎金庸館3.1開幕 - 李八方

籌備3年嘅金庸館下月1日開幕。

每個人心中都有一個金庸角色,楊過癡情、李莫愁怨恨、喬峰俠義,仲有韋小寶嘅風流,無論成長於哪一個年代,有華人嘅地方就有金庸小說。籌備將近3年、香港首個「金庸館」終於喺下月1日開幕。金庸館設喺香港文化博物館,佔地2,000平方呎,將展出過百組珍藏品,包括金庸早期小說版本、手稿、文獻同照片,讓公眾從中窺探查良鏞(金庸)嘅武俠世界同創作歷程。
為配合金庸館開幕,香港文化博物館下月5日會舉行「金庸其人與故事交流會」,邀請與金庸相交甚深嘅資深傳媒人陶傑和李純恩,分享同金庸嘅相交點滴,亦會剖析佢筆下嘅武俠世界、人文精神同藝術創作等,金庸迷或許可從多一個角度去認識呢位文壇巨匠鮮為人知嘅一面。

交流會名額300

交流會將於下月5日下午3時至4時30分在香港文化博物館一樓劇院舉行,名額300個,先到先得。有興趣者可致電2180 8260報名。除交流會外,由本地漫畫家李志清策劃「繪畫.金庸」專題展覽亦會由下月1日至27日舉行,由不同畫家塑造心中嘅金庸武俠世界,透過畫作呈現給公眾。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載