› 選擇地區
三藩市
紐約
洛杉磯
其他美國地區
香港 台灣 北美
 
2017年02月17日

西環集中營:
泛民死硬派拒救鬍鬚曾 - 季陶

曾俊華

特首選舉提名期已差不多一個星期,民主300+選委亦開始陸續向曾俊華或胡國興交提名,有民主派選委說,之前胡官為提名告急,按他們目前了解,想提名胡官的選委,多於提名曾俊華。更有一些死硬派選委堅持就算曾不夠提名入閘,也不做「雷霆救兵」提名曾,「呢班選委話為咗自己信念,係一定不提名曾俊華,甚至有人講明唔睇民調提名,話民調不代表真正民意喎」。

「民調唔反映真正民意」

該民主300+選委稱,目前民主300+選委中,約三分之一會提名曾俊華、三分之一會提名胡國興,餘下一半大部份均同意提名曾或胡,但仍有一些死硬派表明絕不提名曾,就算其他選委游說,也不為所動,「佢哋將原則放到好高,總之就唔畀曾俊華,就算曾差佢一票都唔畀」,另一民主派選委更稱,他們嘗試以民調游說,指最少有四成民意想曾入閘,增加競爭,而曾支持度也高過胡官及梁國雄,但對方竟說「唔會睇民調」,「佢話民調只係調查,唔係反映真正民意喎!真正民意喺傘運已表達得好清楚」,該選委頗勞氣說:「如果身為民主派選委都唔睇民調做嘢,咁以後點批評政府,唔跟民調反映嘅民意做嘢?」
另一民主派選委稱,就算肯提名曾或胡的選委,他們也受其他不提名曾選委游說,改為支持胡官,所以民主派可以畀曾的提名,並沒有隨曾民意支持上升而增加,反而有越來越少之勢,「做咗民主派咁耐,真係未見過咁多民主派政治決定,會同民意背道而馳」,他直言選委有權就提名作決定,甚至可以不跟從民意走,但後果卻要整個民主派一同承擔,「經過今次之後,我諗好多係選委選舉投民主派選民,日後唔會再支持民主派,因為你哋都唔理民意,點解仲要投你一票?」
周一、三、五刊出
季陶

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載