› 選擇地區
三藩市
紐約
洛杉磯
其他美國地區
香港 台灣 北美
 
2017年02月17日

盼為母洗污名「唔係佢嘅錯」

細細最希望能為媽媽洗脫污名。王心義攝

【本報訊】長年在男女二元之間遊走,陸月明直言「不單是自己,對全個家庭都係災難」。「爸爸中風,過身前都唔係好接受到。尤其係我媽咪,佢生我出嚟,一定有人責怪:係咪做錯啲咩嘢,生咗個不知所謂嘅仔出來。

相關新聞:早上西裝友 晚上變裝皇后

「親戚拜年 媽媽好尷尬」

生於傳統家庭,父親做三行,媽媽是家庭主婦,還有一弟二妹,細細是家中長子。「爸爸過身,弟妹都期望我以長子身份擔幡買水」。做了40年弟妹的哥哥,一夜間變成姐姐,細細縱然在人生下半場,選擇改以女性身份生活,但她每次回家,都寧願以中性打扮,束起長髮,不想弟妹感到尷尬。只是近一年來放鬆了,若只與媽媽獨處時,都會穿回女裝。
「農曆年冇諗過有親戚突然嚟拜年,媽媽好尷尬」。以為已放下,其實未有。不過細細指已接受自己雙性人身份。「既男且女又好,不男不女也好,最好糅合男性同女性嘅優點,做過好男好女」。要別人接受,先要接受自己,她說:「咁多年嚟,最想嘅係同我媽咪洗脫污名,唔係佢嘅錯。」不再介意被看見的細細說。
■記者呂麗嬋

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載