蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年02月11日

孕婦跌倒 乘客形容猶如《屍殺列車》

254,357

【本報訊】「見住啲火喺車頂湧埋嚟,起碼燒着2至3卡、10幾米遠。」乘搭起火港鐵列車從金鐘往中環的Leo,憶述事發時車廂內非常混亂,有人驚慌過度,不斷向後推,「踩住人咁走,搞到人踩人,我俾人推跌之後,又推跌咗一個大肚婆,起碼4至5個人跌倒」。Leo續稱,當時聽到該名孕婦大喊救命,立即幫忙大叫:「唔好再推呀!有大肚婆!」
火從頭頂上飄過來,Leo不但是看到有乘客頭髮燒焦,還見到從遠處飛過來的雜物,「全車啲嘢周圍亂飛,甩晒鞋,啲手袋飛開晒。我以為自己今次一定冇命」。

相關新聞:列車如煉獄 乘客:諗住死硬

濃煙瀰漫 雜物亂飛

除了眼前見到的一幕幕驚嚇場面,Leo還聽到相鄰車廂傳來「X你老母!做乜X嘢?」的怒罵,但隨即是一陣尖叫和慘叫聲,整個過程大約3分鐘,Leo形容像去地獄走了一圈。
除起火的車廂,涉事列車的其他車廂亦濃煙瀰漫,有乘客形容自己猶如身在電影《屍殺列車》上,他目睹有男子的長褲被燒至變成短褲,有乘客脫下大褸,協助他將火撲熄,亦有人為他潑水。另一名乘客葉先生表示,事發時車廂內多次傳出尖叫聲,當列車抵達尖沙嘴站時,「出到月台已經見有兩個人受傷瞓低咗」,有一名女子坐在一旁手腳疑似燒傷,「對手熏黑咗,連褲都燒到爛晒」。
而當時跟太太在尖沙嘴站月台候車的非洲裔乘客Toko表示,列車埋站甫開門即有大量白煙湧出,「乘客好慌張咁走出去,見到好多人着火衝出嚟,當中有外籍人士」。乘客逃生時一仆一碌,他對記者驚嘆:「係好驚、好危險!」
■記者龔蕙芝

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載