蘋果日報 | APPLE DAILY
› 選擇地區
三藩市
紐約
洛杉磯
其他美國地區
2017年02月07日
馬上成為壹會員

嘆林鄭升官後變一言堂

林鄭月娥

【本報訊】梁耀忠去年9月首次循超級區議會當選立法會議員,得票由過去參選新界西直選時的4萬多票急升至逾30萬票。梁透露參選時須向友人借款100萬元,再加上自己的100萬元積蓄應戰,料農曆年後才能還清,但當選超級區議員後政府津貼無變,梁至今仍只有一個位於葵涌的議辦,僅7、8名職員處理港九新界的地區個案,希望政府增加議辦津貼。
談到下屆特首人選,梁稱「最希望林鄭唔好當選」,指林鄭出任社會福利署署長時已認識對方,坦言她當年「真係好好」,「我有廿幾個家庭主婦有關社福援助要見佢(林鄭),佢肯聽,就廿幾個人坐喺幼兒班讀書地方傾個幾兩個鐘」。

相關新聞:選主席風波 梁耀忠:從政最大打擊 堅稱棄做主持抗議無錯

指曾俊華「相對有得傾」

但當林鄭官至房屋及規劃地政局常秘時,對基層態度有變,「有次紅磡13街天台木屋居民想討論清拆後安置問題,佢(林鄭)竟然同我講,唔使傾啦,安置政策齊晒喺度,冇嘢好講」,「佢成為好打得嘅官之後就係咁,我睇住佢改變」,又指林鄭處理退保方案及西九故宮館時,「佢嗰種一言堂、唔當人存在嘅態度,令人好難接受」。
對於其餘3名特首參選人,梁指曾俊華「相對有得傾吓」,指曾對民主派態度「平和好多」,「覺得佢(曾)係想大家和諧,而唔係想再衝突撕裂,呢樣好重要」,但對其「守財奴」作風有保留。由於與葉劉在23條立法和人大8.31看法南轅北轍,故不會支持她;胡國興言論雖與泛民接近但欠從政經驗,對其能否有效施政存疑。
■記者林俊謙

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載