› 選擇地區
三藩市
紐約
洛杉磯
其他美國地區
香港 台灣 北美
 
2017年01月28日

回鄉港人做和事老
反被圍毆縫30針

【本報訊】港人回鄉度歲,疑因做和事老慘變出氣沙包,頭爆需縫逾30針!讀者黃小姐稱,其60歲父親與24歲胞弟,前晚一同返回廣東汕尾海豐縣梅隴鎮,並搭乘一輛三輪車擬返鄉間與鄉親共度新歲,其間遭多人圍毆受傷。

黃小姐引述家人講出經過,星期三晚上8時許,父親與胞弟的車輛將抵達鄉親住所時,疑因車輛急煞導致尾隨電單車收掣不及相撞。電單車車上3名男子落車,「佢哋將三輪車司機拉落車狂毆,之後阿爸唔想搞到過唔到年,諗住好心做和事老,點知就俾班人打到瞓晒地,圍住嚟狂踢,佢成60歲,根本招架唔到,仲要畀人用硬物扑頭」。

黃小姐續稱,其胞弟阻止時亦被人圍毆,「佢都俾人打到頭破血流」,事後,兩父子負傷返回鄉親家中,由親友協助送院敷治,父親的傷口需縫逾30針,胞弟則傷及眼角及後腦,至少需縫7針,事後有報警。

據悉,對方亦有人受傷,醫院門外一度聚集近100人,家人恐出事,遂安排轉到另一間醫院治理。

黃小姐前晚趕抵當地醫院,亦見有公安到場錄取口供。其後,一名相信是對方的「大哥」到場,「佢哋想私了件事,係咁塞600蚊畀我阿爸,話『多一事不如少一事,就當我哋唔著啦』等等」。黃小姐稱,這兩天家人的醫藥費已需逾萬元,不能私了了事。據黃小姐所知,對方是一班當地青年會成員,「聽講好多人都飲咗酒」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載