› 選擇地區
三藩市
紐約
洛杉磯
其他美國地區
香港 台灣 北美
 
2017年01月25日

隔牆有耳:歲晚「下海」 男女通殺
岳少賣身救黨 肉金(照)收$38 - 李八方

岳少雖名草有主,但仍有大把女粉絲支持。

雖然已經名草有主,兼且求婚成功,稍後同女友拉埋天窗,但公民黨黨魁楊岳橋(AY)似乎無因此流失女粉絲支持,前晚喺公民黨嘅年宵攤檔外,唔少岳迷等住同佢影相。為乜突然做咗人肉佈景板?原來係為咗個黨籌旗。

相關新聞:隔牆有耳:余若薇為「俊華」揮毫

被問是否真結婚

AY前晚喺北角搞咗個同社區安老有關嘅社區放映會後,殺入維園年宵於公民黨攤檔幫手。佢日前都試過坐定定為市民寫揮春義賣,噚晚則搞搞新意思,市民只要付出38蚊,就可以同佢影張即影即有,據知反應好好,約近一個鐘已經籌到二千零蚊,平均影咗50幾張相。而影相嘅市民中,一如所料,女多過男,據聞有女粉絲都問AY,係咪真係結婚㗎?唔知係難以置信定係唔肯相信?
八方問過AY,佢笑稱作為黨魁,為黨籌旗義不容辭,「我冇腿、冇樣,惟有賣身,賣得就賣。」對於有市民恭喜佢即將脫離單身行列,對戀情一向低調嘅佢就話,多謝大家有心,又強調影相者中,有男有女,唔係淨係女,其中仲有市民話唔識佢㗎,係屋企人話:「呢個人好重要」,所以先同佢影相。

李八方
mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載