› 選擇地區
三藩市
紐約
洛杉磯
其他美國地區
香港 台灣 北美
 
2017年01月25日

《壽星仔》之父去世
作品調皮抵死 出書提攜後輩

【本報訊】香港著名漫畫《壽星仔》原作者上官小強(原名陳國賢)於本月中因病逝世,終年66歲,遺孀在社交網站宣佈死訊「大家熟悉的『壽星仔之父』上官小強,於本月十三日因病與世長辭……」上官小強已定於下月11日在紅磡世界殯儀館設靈。
記者:何永寧

當年獲上官小強一手提攜的甘小文昨日接受《蘋果》電話訪問時,證實上官小強離世消息。他說:「係呀,聽到群組啲朋友講,邱福龍喺佢fb都有講。佢係我伯樂,當年成班𡃁仔畫漫畫冇地方登,佢出咗本小強漫畫,我哋成班𡃁仔至有地方登作品。當時同本《壽星仔》拍住上。」曾經是上官小強老闆、《龍虎門》作者黃玉郎表示印象中的小強好斯文,感覺很書生型,不過作品壽星仔卻非常調皮兼抵死。他還跟同期的漫畫家有很大分別,他說:「佢係一個生產力、產量都好正常嘅漫畫家,我哋個個都三更半夜畫,佢就好正常朝9晚5時間,對佢離世感到好可惜。」
漫畫家鄺志德表示小強一直都熱心出席活動,差不多每趟都會出現,不過近半年開始身體轉差,早幾日在九龍公園漫畫星光大道舉行的周年活動亦沒有出現,他說:「星光大道豎立咗強哥嘅壽星仔、黃(玉郎)先生嘅王小虎、馬榮成嘅步驚雲,今年以為強哥唔得閒。佢係後輩好尊重嘅畫家之一。」他透露小強兩年前曾做過通波仔手術,他說正跟香港動漫畫聯會商談,為他舉行悼念活動。

近半年留醫低調養病

據知上官小強近半年身體欠佳,住醫院一段時間,有些朋友想探病,其妻代強哥婉拒好意,稱想低調養病。大半年前,眾人為他舉行「壽星仔」fans聚會,活動前上官小強發燒入院,差點令活動取消,不過之後他見情況好些,即堅持繼續,不想令fans失望。可惜最後還是難敵病魔離世。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載