› 選擇地區
三藩市
紐約
洛杉磯
其他美國地區
香港 台灣 北美
 
2017年01月25日

「市民唔係食嘢係食舖租」

權哥(左)在新哥的腸粉店內學習烹調碗仔翅技巧。

【本報訊】有「腸粉大王」之稱的新哥曾啟新在深水埗開舖,但做了35年小販的他,深明小販走鬼及被政府打壓之苦,故今年農曆新年會繼續在深水埗或旺角街頭擺檔。去年新哥於深水埗桂林街擺檔,被食環署充公木頭車,「點解過年幾日唔放過小販」。

相關新聞:唔使走鬼 前海員賣街頭滋味

新哥已聯絡以往在桂林街擺檔的小販,商討今年在哪裏擺賣。新哥批評政府為打壓小販,而將小販說成不衞生,「點解小販唔會食到人睇醫生,飯堂酒家有牌又點解會出事」。香港租金貴,「市民唔係食嘢係食舖租」;過時過節小販擺檔不但可幫補家計,市民也有機會食平嘢。他不擔心今年再發生魚蛋革命,最危險是食環署人員追趕小販,「以前我試過丟低架車,佢追到我跌低流血。我係做街邊,唔係做賊」。若政府不封殺深水埗桂林夜市,桂林夜市小販可留在原區,可避免過多小販擠在旺角。
據了解,食環署於農曆新年期間會加派人手,在小販聚集熱門地點如深水埗桂林街加強巡邏;若發現有人無牌售賣熟食,原則上會執法,但會視乎現場情況。
■記者陳沛冰

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載