› 選擇地區
三藩市
紐約
洛杉磯
其他美國地區
香港 台灣 北美
 
2017年01月20日

隔牆有耳:
湯狀取代葉劉幫人起機 - 李八方

除咗新民黨葉劉淑儀,民主思路嘅湯家驊都成為跑道幫人起機。資料圖片

原來除咗新民黨葉劉淑儀,民主思路召集人湯家驊都成為新跑道,幫新人起機。曾經係民主思路成員嘅李律仁同劉培榮,盛傳喺林鄭競選辦幫手,而曾俊華噚日登場嘅競選班底亦有民主思路原總幹事袁彌昌、即係人力前主席袁彌明嘅哥哥,估唔到湯狀身邊嘅才俊,各自被不同陣營睇中。
八方問過袁彌昌,佢話已辭任總幹事一職,引述湯狀同佢講,搞完選舉可以返番去幫手。咁妹妹袁彌明支唔支持?佢話梗係有同屋企傾過,似乎覺得薯片都係比較可以支持嘅候選人。
至於冇票嘅湯狀,噚日就到咗林鄭競選辦同對方會面,佢話係代表民主思路嚟討論有關特首選舉論壇嘅事,直指組織內部意見不一,有啲人撐薯片、有啲人則係林鄭粉絲,而佢個人則會了解所有參選人政綱之後先再決定。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載