› 選擇地區
三藩市
紐約
洛杉磯
其他美國地區
香港 台灣 北美
 
2017年01月19日

無全民退保 八旬婦失望

【本報訊】施政報告建議新增一層設經濟審查的高額援助及調整長者生活津貼資產限額,全民退休保障落空。不少長者不但未能受惠高額援助,就連長生津仍未能領取。81歲梁婆婆(圖)有30多萬元資產,擔心仍不符合申請長生津資格,對政府未有推行全民退保感失望,「50幾年捱生捱死,慳慳埋埋乜都冇,32萬上限其實好苛刻」。

相關新聞:大開水喉 10年花逾千億

「施政報告唔關我事」

梁婆婆說,若未能通過資產審查,政府所謂的「退保」政策對她幫助不大,「今次施政報告完全唔關自己事,唔知等到幾時,梁振英又唔做,下個特首又唔知點」。82歲莫婆婆也有逾30萬資產,或可申請長生津,「放寬梗係高興啦,就算攞都係食老本」。她患眼疾及耳疾,現時只領取生果金及醫療券,遠遠不足應付開支,白內障手術費及覆診費已花4萬元,「醫療券得2,000元,有長者生活津貼嘅話好好多」。
67歲的霍婆婆擔任清潔工14年,於3年前退休,惟強積金對沖令她由原本獲6萬幾元的強積金最後只有5萬元,「以後都追唔返,希望攞返萬幾蚊,對我嚟講好重要。我𠵱家只能靠綜緩,強積金幫唔到我,5萬同長生津用嚟交租,兩年都冇晒」。
■記者梁佩珊

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載