› 選擇地區
三藩市
紐約
洛杉磯
其他美國地區
香港 台灣 北美
 
2017年01月17日

北京不盲撐民望低人選

林鄭月娥

【拆局】
林鄭月娥正式宣佈參選下屆特首,意味特首選戰正式開打,雖然林鄭獲中聯辦、建制派全力支持,但有選委認為,只要曾俊華可以入閘參選,選情仍存在變數,「建制派支持係重要條件,但唔係唯一;如果林鄭民望越選越低,對北京嚟講,冇理由硬撐佢」。
該選委稱,由首任特首董建華,到上屆特首選舉,中央由捧唐英年變成支持梁振英,「共通點係所有中央支持嘅人,都係當時民望最高嘅候選人」;而董爭取連任時民望低,中央情願讓他自動當選,「都唔想畀外界覺得,中央係有高民望競爭者情況下,都要硬撐低民望嘅人做特首,畀人認為與民意為敵」。

相關新聞:林鄭夠數 其餘3人搶泛民票

董建華前車可鑑

該選委續稱,之後北京亦沒有再搞自動當選把戲,「因為董建華(自動當選)經驗係,畀你夾硬挺上去,冇民意支持,最終亦只會將香港局面越搞越亂」。所以他認為,就算林鄭有中聯辦、建制派全力支持,若她民望長期低過曾俊華,「中央都要思考,硬挺低民望候選人做下屆特首,萬一未來5年香港因為呢個特首,搞到越嚟越亂,呢個責任邊個負?」特別是現任負責港澳事務的人大委員長張德江,今年中共十九大後將會退休,「而國家主席習近平肯定會做多5年,你估習會唔會隨便孭呢個政治炸彈上身?萬一低民望特首搞出大頭佛,張德江就退休唔使理,習就要執手尾」。
■記者莫劍弦

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載