› 選擇地區
三藩市
紐約
洛杉磯
其他美國地區
香港 台灣 北美
 
2017年01月16日

西環集中營:勸退曾俊華 西環圖令習冇得揀 - 季陶

中聯辦近日向建制派放風,聲稱會勸退有意參選特首的曾俊華。資料圖片

政務司司長林鄭月娥辭職宣佈參選特首後,建制陣營開始為林鄭造勢。有政界中人更指西環近日不斷向建制派發出訊息,聲稱建制派只會支持林鄭、甚至說會軟硬兼施勸退有意參選的財政司司長曾俊華。但該政界人士稱,西環及建制派始終不答一個最重要問題,就是國家主席習近平是否已決定支持林鄭做下屆特首?「抑或只要勸退曾同葉劉,等習冇得揀、只能揀林鄭?」

相關新聞:建制選委:習未透露心水

港澳系統力撐林鄭

該政界中人稱從不同內地線人了解,收到訊息也是中央最高層未對下屆特首人選有決定,「只可以話,港澳系統支持林鄭,但好多個內地收風人話冇聽過習核心已經拍板,撐林鄭做下屆特首」,當然在西環及建制全力支持下,林鄭較曾有更大優勢,「淨係講拎選委提名,曾俊華一定頭痕過林鄭,咁嘅情況下,曾要拎150個建制選委提名難度非常之大」。
有民主派選委分析,西環今次最聰明的是一方面向中央稱,太多建制候選人,會分散建制選委票,有可能流選,這是中央最不願見,「咁就大條道理動員建制派保林鄭、勸退曾俊華同葉劉」,最重要是勸退其他人後只剩胡國興,「就算泛民再派人選都好,已經令習近平冇得揀,只可以支持林鄭做下屆特首」。
但政界人士質疑西環的如意算盤是否打得響,相信習近平仍然希望在下屆特首人選上「有得揀」,「習唔會咁快做決定,喺提名階段已令佢冇得揀、只可以揀一個,唔係佢風格」。而習一向用人,都要是他認同有能力,「唔係你港澳系統、左派支持佢就一定接受,所以林鄭嘅能力係咪得到習近平認同,先係最重要」。

季陶
周一、三、五刊出

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載