› 選擇地區
三藩市
紐約
洛杉磯
其他美國地區
香港 台灣 北美
 
2017年01月16日

海員無悔停工救邨

「長安後浪」昨成功推翻舊法團,為屋邨事務停止海員工作的Terence被其他成員高高拋起慶祝。

【本報訊】「長安後浪」成功推倒舊法團,一批以往對屋邨事務冷感的小業主發揮重要角色,28歲的Terence去年9月獲悉屋邨爆出「死人種票」事件後,翻查法團賬目發覺問題多多,11月中索性暫停海員工作,放棄兩萬多元月薪,推動居民關心屋邨問題。他指不後悔,「如果我唔去做呢件事,往後(大維修)我要夾幾多錢呢?」

相關新聞:維修儲備6年急跌6,000萬

成員露營守住舊法團文件

Terence在長安邨土生土長,一年多前擔任海員,每年只有幾個月時間留港,很少理屋邨事務。去年9月業主大會爆出「死人種票」事件,他開始關注屋邨事務,又向太和邨「太和的後裔」取經,驚覺長安邨曾經高達一億元的維修基金最後只餘400萬元,終決定停工跟進事件,「講真助人自助,我係條邨大,長安邨十幢樓我都有朋友……我幫自己慳錢,亦都係幫佢哋慳錢。」
從事工程的楊先生亦是「長安後浪」成員,舊法團去年一月批出833萬更換地底喉管工程,他覺得極不尋常,向一位做水務署承辦商的朋友請教,獲悉工程實際市價僅數十萬元,「起碼貴咗十幾倍以上」。他質疑舊法團主席李錦麟未為居民把關,「假如你係一個踢波嘅,守龍門都守唔掂」。
舊法團前日在選舉前夕準備將辦事處文件搬走,楊先生擔心文件遭銷毀,與街坊趕到報警和阻止。他為防有變數,晚上寧願在辦事處外露營,在寒風中留守,「凍啊,喺門口瞓覺,都冇瞓過,好彩佢哋(義工)輪住接班嚟陪我」,更有街坊送上冷帽及糖水打氣。從周六至昨晚他30多小時無休息,投票確認踢走法團一刻終放下心頭大石,「好激動,真係流晒眼淚,未試過咁樣」,他希望每個邨民都盡責監察屋邨事務。
■記者潘柏林

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載