› 選擇地區
三藩市
紐約
洛杉磯
其他美國地區
香港 台灣 北美
 
2016年12月17日

石禮謙立法會當眾搲腳
全程影晒!

除咗內急、眼瞓同肚餓,仲有一種情況唔係人人都忍到,就係身痕喇!你睇貴為立法會議員嘅經民聯石禮謙,昨日準備內會個陣,忽然間左腳小腿痕起上嚟,佢都忍唔住,顧唔上儀態都要搲一搲!

不過,佢花名叫「大舊石」,你就知以佢嘅身形要佢彎低條腰搲腳都唔係易事,但痕起上嚟實在難忍,佢居然棟起左腳踩住張枱,捲起褲腳就搲起上嚟,個種悠然自得、神態自如嘅表情,搞到一眾在場目擊經過嘅記者仲以為自己去咗大舊石屋企,而唔係喺立法會...個陣麻甩味,真係隔住個mon都feel到!

最難得嘅其實係坐佢隔離嘅黨友張華峰,居然完全唔介意「大舊石」當住佢面,一邊同佢吹水、一邊搲腳,呢啲仲係唔「堅‧老友」?建制派成日話立法會係莊嚴嘅地方,原來只係限於宣誓嘅時候,平時開會似乎就不適用喇。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載