› 選擇地區
三藩市
紐約
洛杉磯
其他美國地區
香港 台灣 北美
 
2016年12月17日

圍堵校委案 李國章稱當晚是「暴動」 
指受外科醫生訓練 
鏡頭前鎮定但心唔定

【本報訊】港大學生今年1月在沙宣道校園圍堵校委,時任學生會會長馮敬恩涉恐嚇校委會主席李國章案,昨在東區法院續審。李續作供時首次直指「嗰晚係暴動」,其他人「針唔拮到肉唔知痛」故不覺是暴動。他指中學、大學雖打過交,但都是一對一,惟當晚人多「可以成班人毆打你」。
記者:勞東來 楊思雅

相關新聞:唇槍舌劍 斥李柱銘捉字蝨

李國章昨指當晚「班人喺度暴動」,令傳媒不關心會議結果,估計是馮安排學生抗議。辯方指是由港大罷課委員會安排,李說:「唔知係咪佢哋搞呢個暴動出嚟,或者當初唔係計劃咁樣,但係失控。」
辯方聞言指暴動是嚴重指控,李則指港大校長馬斐森亦曾斥當晚示威者是Mob(暴民),「有Mob先有暴動,Gentlemen(紳士)點暴動?」辯方質疑有暴民不必然有暴動,李斬釘截鐵回應:「嗰晚係暴動。」李最後承認他是第一個以暴動形容事件的人,他解釋:「針唔拮到肉唔知痛,我俾人打、俾人拉有感受,其他人可能唔覺得係個暴動。」

指以往打架一對一

李一再提到被人攻擊故受驚,辯方盤問他有否試過打架,李稱讀大學時打欖球曾打架,讀中學亦曾打架,辯方遂指「你嗰日唔使咁驚㗎喎,對打過交嘅人呢啲小兒科嚟喎」。李則說以往打架是一對一,但當晚人數眾多,假如被拉出保安人鏈外,「就可以成班人毆打你,或者拉跌你之後過嚟踩你」。辯方指有人拉住李的手,可能是因為失平衡,李認為不可能。
李憶述去年7月學生衝入校委會會議室,他在鏡頭前雖表現鎮定,但「心入面梗係唔定」,不過他受外科醫生訓練,面對病人情況危急也要鎮定。他指案發當晚情況相似,分別是今次涉及暴力。
李又認為拉他手臂的人不是記者,因對方「成口粗口」,又指當晚很多人講粗口。辯方認為李有代溝,因時下年輕人講粗口十分尋常。李則指視乎教育程度,不善表達的人才會用粗口。辯方續指因記者近距離追訪他,可能有份阻礙他離開大樓,李則說:「佢哋冇用粗口媽你……佢哋嘅專業工作唔係暴動、阻住你,唔可以將啲罪嫁咗落記者身上。」李供稱清楚聽到馮大叫「唔好畀佢走!唔好畀李國章走!隊冧佢!隊冧佢!」他形容「好似三合會嘅人想攞你命」。辯方稱馮沒有說過,質疑李說謊,李反問:「點解要講大話?有咩好處?」辯方指因為李憎恨馮,李否認。
港大保安經理張憲君昨供稱,他當晚保護李和其他校委離開大樓,聽到馮大叫段首的話,之後示威者湧向李,馮猶如司令。案件下周一續審。
案件編號:ESCC2357、ESS27186/16

相關新聞:大鬧馮敬恩:我係睇唔起佢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載