› 選擇地區
三藩市
紐約
洛杉磯
其他美國地區
香港 台灣 北美
 
2016年12月13日

撐港獨陳澤滔IT界搶灘

陳澤滔 資訊科技界

【本報訊】非建制在今屆選委會選舉報捷,兩名主張港獨的年輕人在資訊科技界成功搶灘。曾與青年新政結盟參選立會的陳澤滔坦言,今次坐了IT Vision團隊的「順風車」當選,IT界選民亦「開心見到民主陣營嘗試團結」。

相關新聞:王維基繼立會後再敗選

「與民主黨有合作空間」

任職迪士尼工程師的陳澤滔先後參選區會及立會均鎩羽而歸,陳今次與另一本土派盟友、天水圍民生關注平台王百羽雙雙當選IT界選委。陳自嘲今趟「起碼唔會再俾人笑選極都輸」,IT Vision雖非打港獨旗號,但他相信部份選民支持他個人的港獨主張,「有啲朋友因為我選先至投票」,或欣賞團隊的政治光譜寬闊,「其實選民係咪真係對獨立議題咁反感?定只係反感(本土派)攻擊民主派?」他與大批年輕IT人早前響應前線科技人員呼籲才登記成為選民,也是勝選關鍵。
部份激進派不屑參與小圈子選舉或與泛民合作,陳因此遭網民攻擊,「𠵱家贏咗,希望大家明白,呢場仗好難打,必然係寸土必爭,唔係好潔癖咁講唔參與就算」;割席也非良策,「喺我哋未有自己話事力量之前,我會嘗試搵盟友」。
作為本土派,陳稱與IT Vision成員互相尊重,定出大家接受的底線,「個光譜最邊係(民主黨)單仲偕,另一邊係我,佢算係幾嘗試聽我哋意見」,「民主黨入中聯辦,終有一日要還,但係最大敵人喺面前,我覺得可以搵到合作空間」。
■記者白 琳

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載