› 選擇地區
三藩市
紐約
洛杉磯
其他美國地區
香港 台灣 北美
 
2016年12月08日

范太:下任特首要「促和諧」

【本報訊】全國人大常委范徐麗泰相信中央正就下任特首問題考慮不同因素,雖然特首梁振英「夠硬淨、又信得過」,更獲國家主席習近平高度評價,但她指出,中央很重視「促和諧」,又慨嘆來屆特首選舉「好難係君子之爭」,又藉財政司司長曾俊華拒答議員問題事件,稱讚有意參選特首的保安局前局長葉劉淑儀敢於承擔。

相關新聞:建制:中央屬意梁 財爺零機會

指拒答風波損港府形象

范太昨接受商台訪問時稱,她不知道中央如何考慮下任特首人選,相信涉及有很多因素。不過她肯定地指,中央不會就國家主權、領土完整等問題妥協,因此希望做特首的人「夠硬淨,又信得過」。范太認為梁振英近年的表現確實做到「夠硬淨,又信得過」,而且梁在處理佔中後與習會面,習對梁的評價很高,她說「我未聽過中國嘅領導人評價一個香港特首話佢係『疾風見(知)勁草,板蕩識忠(誠)臣』,呢個係一個好高嘅評價嚟」。
不過范太接着指出,「到底會唔會因此而增加咗佢連任嘅機會呢?𠵱家好難講」,尤其中央亦提及特首要「促和諧」,因為和諧社會很重要,否則社會無法發展。
范太相信具親和力的人在特首選舉中較有優勢,而親和力不是要在選舉前才營造出來,「親和力就係你根本係好有興趣去聽人哋講嘢,你好有興趣去同人溝通,同埋你的確係尊重佢(對方),唔理佢係邊一個」。她又慨嘆「我睇今次(特首選舉)好難係君子之爭,你睇吓幾多𠵱家所謂嘅娛樂新聞,使唔使咁多呀?」
談到近日曾俊華拒答議員問題、政府即日改變立場,梁振英更揚言自己不知情時,范太直言事件將影響政府形象,令人「覺得你政府內部溝通唔暢順」,因為官員出席立法會時應有一致立場。今次事件令她想起葉劉任保安局長時,雖然她是女人,但其麾下的紀律部隊都很服從葉劉,「因為聽聞啲紀律部隊就話,有啲乜事呢,佢(葉劉)係會出去同你頂嘅,乜嘢責任佢承受晒,但係返嚟呢佢就會閂埋道門同你慢慢傾」。
至於是否支持葉劉做下屆特首,范太知道葉劉對選特首十分有興趣,但傳聞中的宣佈參選大會未有邀請她,自己現時亦沒有為人站台的想法。范太又承認有計劃參選人士尋求她支持,但她表明要待有人取得足夠提名,再看候選人的政綱才決定。
■記者呂浩然

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載