› 選擇地區
三藩市
紐約
洛杉磯
其他美國地區
香港 台灣 北美
 
2016年12月02日

龔耀輝再戰:拒製造CY二號

龔耀輝(右)不滿香港撕裂,深信換特首可解決不少問題。

餐券這兩張,怎麼取向?龔耀輝揀選ABC,「一定唔支持CY連任」。報名參選時豪言:「支持梁振英嘅唔好投我哋。」至今深信界內挺梁者寥寥可數,「就算一個人抱負有幾高、能力有幾強,令到社會咁撕裂,已經唔應該做特首」。

相關新聞:民主派26戰將踢走689重啟政改

不滿導致社會撕裂

上屆當選會計界選委的龔耀輝今屆組「ABC.P.A」5人團隊再戰,旗幟鮮明反梁連任,「選委會得一個功能,就係選特首,所以立場要講得好清楚」。當年沒提名候選人的龔指,梁振英還在備戰mode時予人願革新之感,但過去4年「佢嘅工作同態度,同過去好唔同」。他認為社會嚴重撕裂與特首施政有關,「換咗第二個人做特首,處理傘運會唔同,𠵱家係唔理溫和同理性嘅聲音,激嘅就打壓,令到有啲人想講說話都唔知點講,唔希望歷史重演」。
換特首問題就一了百了?「我相信可解決好多問題,下屆特首未必再有UGL事件,唔會再喺機場送件行李畀個女,又或者唔會激發咁多後生仔女講港獨」;會否支持財政司司長曾俊華及退休法官胡國興,龔指「冇問題,最重要同CY作風唔一樣;唔想製造CY二號」。
專業人士近年在紛亂中,選擇沉默甚至撤離,龔坦言,「呢度係我住嘅地方,冇理由走咗去」。他指:「港人其實好卑微,最緊要講到『人話』,講到心目中想講嘅嘢。」既已到決志現場,再拖便遭殃:「如果有啲嘢我仲做到、又應該去做,我咪行出嚟話畀人聽:呢個界別到底支唔支持梁振英?」
■記者許偉賢

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載