› 選擇地區
三藩市
紐約
洛杉磯
其他美國地區
香港 台灣 北美
 
2016年12月02日

民主派26戰將
踢走689重啟政改

「誠.會計師」譚香文(左)斥梁振英令香港民不聊生。王心義攝

民主派26名戰將,包括「民主進步會計師」、「誠.會計師」兩張名單連同獨立參選的陳耿廸,會出戰會計界選委,表明「No CY」;其中21人的「民主進步會計師」團隊共同目標包括「踢走689」,副召集人李健恆說:「我哋唔想被Label(標籤)做ABC(Anyone but CY),作為專業人士純粹選賢任能,只不過梁振英過去4年表現晒出嚟,唔合格囉,所以唔會喺我哋考慮內,因為達唔到要求。」
團隊成員李淑儀稱參選皆因到達「臨界點」,指近年發生的荒謬、不公、廉署風暴、梁振英UGL事件等,都令她忍不住要站出來。黃健菁也是團隊內首戰成員,因所住社區規劃出問題開始關注社會不公:「小圈子選舉我都要加入,因為想進入制度改變,如果連個制度都唔進入,你喺外面又可以做乜?」
李健恆直言找人出選有難度,因不少會計師所屬公司亦與內地有生意來往,參選或有壓力及顧慮。雖然投票意向現不可一概而論,但傾向不投白票,其中成員王嘉盈說:「我哋走入制度係希望改變,投白票改變唔到,只會令穩奪江山嘅人更加風光……我哋想改變,憑手中一票改變。」團隊強調人大8.31決定不符《基本法》,要求換特首重啟政改,爭取真普選。

相關新聞:設6條件麥嘉軒:對事不對人

譚香文:我要隊冧689

在2004至2008年擔任會計界立法會議員時自動成為選委會當然委員的譚香文,今屆處女下海獻出選委第一戰:「其實我成個4人團隊『誠.會計師』都係第一次參選選委。」她解釋,「上屆我冇參選,覺得都係唐英年掂梗,小圈子都係欽點,費事參加,但結果又唔係咁喎」。譚香文指過去4年見盡梁振英治下社會撕裂、民不聊生,若梁振英連任,她也要考慮移民,故索性參選,「開宗明義,我要隊冧689。」
她指為阻梁振英當選,「必要時唔介意畀票曾俊華」,指曾俊華相對地較民主及公道,「如果得CY同財爺,梗係要畀財爺,唔可以畀CY攞到601票過半數」。
■記者陳雪玲

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載