› 選擇地區
三藩市
紐約
洛杉磯
其他美國地區
香港 台灣 北美
 
2016年11月29日

政治素人:鬧689不如爭做選委

「衞.真普30」盼全取選委議席,打破建制派壟斷。陳善南攝

【衞生服務界】
【本報訊】今屆選委會競爭最激烈的界別包括過往被建制派壟斷大部份席位的衞生服務界;由4個傘後專業團體組成的「衞.真普30」突破框框,組成30人名單搶攻30席。團隊中大部份是政治素人,過去甚至是政治冷感,不少人因傘運醒覺,欲藉參選為業界燃點追求民主的薪火,成員之一的臨床心理學家鄒凱詩由在電視機前罵689,到站出來盼有票選特首,希望趁仍有公平參選機會之時,捍衞香港核心價值。
鄒凱詩是兩個孩子的媽媽,因傘運開始關心政治,「身為家長會擔心未來社會係點,講緊30年、50年之後,佢哋會生存喺乜世界,當然部份中產家庭會選擇移民,呢個都係我哋會諗嘅出路,但我哋都想喺逃避之前,試下去改變、去做一啲嘢,𠵱家去改變我相信易過你移民出走」。
她續說,回歸以來香港的核心價值日漸被溝淡、扭曲,「公義或者好多我哋認為重要嘅價值觀,變咗唔值錢,你去依附權貴,你識睇時勢去做人,好似先係緊要啲」,作為土身土長的香港人,對此慘不忍睹,每天對着電視痛罵689,一天不禁反問自己:「喺屋企嘈又有乜用,倒不如趁住我哋仲有機會嘅時候,行出來發聲,所以今次會參選。」

相關新聞:上屆投票率低 建制派壟斷議席

護士:資源去晒大白象

袁偉傑與蘇衍霈都是註冊護士,傘運時參加醫療隊,嚐過催淚彈。袁偉傑是護士學校校長,形容過去對政治冷感,收到選舉單張都是「垃圾桶見」,「今次點解會參選?因為雨傘運動時作為一個醫療隊成員,我同其他隊員講,警察受傷又好,示威者受傷又好,我哋都一定會救,因為都係需要幫助嘅人,嗰刻好希望香港變番以前嘅香港,一個和平健康有歡笑嘅香港」。
蘇衍霈則是助產士,每天迎接新生命來到世界,「當我帶佢哋出嚟時會諗,其實可以畀乜佢?」每天在醫院見病人受苦,但政府投放資源不足,一個護士可能要對20個病人,「資源好缺乏,我哋幾努力,畀病人質素都唔夠好……再唔行出嚟只會更加差,資源會再去晒大白象工程、三跑,唔知幾多跑,但落唔到社會最基層最有需要嘅人身上」。
團隊另一成員,物理治療師溫愷詠亦有同感:「你(蘇衍霈)幫天安門母親,我係六四長跑隊嘅成員,大家都有連繫,只係之前未搵到,我相信每個人肯行前一步係可以帶來改變。」參選小圈子選委會真可以帶來改變?她自言為人樂觀,「我哋越拎得多席,佢哋(建制派)可以掌握就越少」。
■記者陳雪玲

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載