› 選擇地區
三藩市
紐約
洛杉磯
其他美國地區
香港 台灣 北美
 
2016年11月26日

真正大孖沙不會突挺梁

張宇人

【拆局】
特首梁振英任內首次委任自由黨人入行會,獲委任的張宇人雖否認與挺梁連任有關,但政界普遍認為,梁想藉此拉攏自由黨支持,一方面穩固立會內建制派支持,另一方面為角逐連任鋪路,「起碼日後要拎提名都多幾票」,但他們均認為,就算梁同時有自由黨及經民聯支持,也不代表真正商界大孖沙支持梁,「梁振英拉到自由黨,唔代表拉到支持佢哋班商界大佬」。
有政界人士指,當年是唐營的自由黨榮譽主席田北俊,公開反對梁振英做特首,「唔只係田個人取態,仲代表佢背後一班重量級商界人士」。

相關新聞:自由黨都入到行會?689忽然大方有咩企圖

「重量級商人仲係唔妥梁」

過去4年,昔日部份屬唐營的商界人士已轉投梁營,更開始為梁連任造勢,「但一部份重量級商界人士,仲係唔滿意梁振英,所以田北俊一直企硬反梁,一部份係佢個人原因,另一部份係佢後面班大孖沙仲係唔妥梁」。
該政界人士認為,田不再做立會議員後,令梁振英及中聯辦有空間拉攏自由黨,「𠵱家班自由黨議員,仲係買西環怕,冇咗田少喺度,咪企番去西環嗰邊」,但他直言就算自由黨挺梁,不代表那些大孖沙支持梁,「呢班大孖沙仍然唔想梁連任,唔代表佢哋已轉軚挺梁」。
■記者莫劍弦

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載