› 選擇地區
三藩市
紐約
洛杉磯
其他美國地區
香港 台灣 北美
 
2016年11月09日

米芝蓮推介
雞蛋仔店人氣急升

媽咪雞蛋仔長期大排長龍,有遊客也有本地熟客。邱仲權攝

【本報訊】美食就在街頭,去年新增街頭小吃推介,有上榜小食店因而知名度大增,挽回執笠困境,店外每日大排長龍,食客只為一底足料雞蛋仔。但亦有小食店大嘆經濟不景,米芝蓮對生意無甚影響,認為小店有別於酒店食府,靠人傳人的口碑才能屹立不倒,反而「畀過(米芝蓮)你又驚攞唔番,攞到又驚加租」。新一年《米芝蓮指南》今日公佈。
記者:伍雅謙

相關新聞:笑談除名再興傳人:對出品有信心

去年有部份小食店開業不久即獲米芝蓮推介,「媽咪雞蛋仔」尖沙嘴加盟店在打入米芝蓮小吃推介前數月才開店,曾一度因生意慘淡,令老闆Carla打算放棄經營,未料小店獲得米芝蓮推介,生意勁升三、四成,得以站穩陣腳。「知名度高咗係幫到手」,Carla指開業初時生意實在太差,得獎後生意大升,現時每月亦有平穩增長,認為米芝蓮增加小店曝光率,顧客慕名試過後,覺得不錯便一再回頭品嚐,終於儲起一批熟客。
媽咪雞蛋仔尖沙嘴店是加盟店,Carla指米芝蓮效應也帶挈紅磡總店生意,現時尖沙嘴店外長期有人龍等候買雞蛋仔,尤以下午4、5時人流最多。雞蛋仔仍以原味及朱古力味最受歡迎,現時季節性推出的紫薯及栗子口味,亦頗多人嘗試,Carla直言有信心今年再取得米芝蓮推介,「我哋呢一年好努力咁去維持食物質素,冇鬆懈到」。
她也不擔心今日一旦遭除名,會影響雞蛋仔銷量,「我哋質素係熟客心目中評分係點,緊要過攞米芝蓮獎牌」,認為店內眾人已盡力做到最好,「keep到質素熟客先會再嚟」。由於該店租約未完,獲推介後租金亦未有改變。

「第三代肥仔」靠熟客捧場

「攞咗都冇乜影響箒」,獲推介的「第三代肥仔」小食店老闆余先生賣港式滷味包括生腸、雞腎及墨魚,並且是旺角肥姐小食店的兒子,肥姐沒有得到米芝蓮,店外卻日日大排長龍,相反余先生雖已較同街小食店生意佳,但人龍始終不如肥姐。
他指,市道轉差令店舖所屬街頭水盡鵝飛是一大因素,並認為米芝蓮對酒店食肆可能影響較大,「佢哋要威要名氣」,相反基層小吃店只需要熟客口碑,「啲人食咗覺得好食,先帶啲friend嚟食咋嘛」,曾有熟客上月才得知他取得米芝蓮,「差唔多攞咗1年喇喎」。
今日公佈新一年米芝蓮推介,他直言有少許期待,「想睇自己有冇退步到,畀過(米芝蓮)你又驚攞唔番,攞到又驚加租」。他坦言,現時該店月租約7萬元,每日做15、16小時、須賣出1,000串小吃才能回本。

相關新聞:米芝蓮星期三揭曉!死亡之吻邊個想要?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載