› 選擇地區
三藩市
紐約
洛杉磯
其他美國地區
香港 台灣 北美
 
2016年11月09日

石永泰︰根本係改香港法例

石永泰昨接受有線訪問時表示,今次人大釋法已超越解釋法律。有線電視畫面

【本報訊】繼日前法律界轟人大常委就宣誓風波主動釋法,香港大律師公會前主席石永泰昨亦開腔炮轟,指今次人大釋法已超越解釋法律,根本是修改香港法例;認為人大有權不應用盡,擔心中央日後會再不斷釋法,呼籲港人不要麻木,應挺起胸膛和腰骨向中央解釋釋法的問題,強調「恒久嘅警惕係自由嘅代價」。

相關新聞:律政司人員:係騎劫咗個官

「人大有權不應用盡」

石永泰接受有線訪問時直言,今次人大釋法是演繹、補充、修改本港法例,「佢(人大)攞住(基本法)104條裏面『依法』呢個詞語,就喺度話呢個『法』其實應該係咩呢」。
石永泰質疑,人大要在案件審訊期間提出釋法,是否不信任香港司法系統,「你如果唔能夠有一個有說服力嘅解釋,咁個憂慮點都會喺度」,又強調人大常委進行釋法應該克制。
石明白港獨、分裂國家是中央底線,但港人害怕是如浮沙的底線,「今日佢嘅底線係咁樣……明天、10年後你會唔會覺得𠵱家我強大到唔多需要理會國際社會嘅諗法,我連你嗌六四、結束一黨專政都唔畀呢?」
石又反駁特首梁振英指回歸近20年只不過釋法5次的言論,「我揼你一次,你個骨唔斷住㗎,裏面傷一傷咁樣,你每一次處理得唔妥當嘅釋法,裏面又傷一傷,咁到你大個之後就真係好傷」。
對於很多人質疑青年新政兩議員梁頌恆和游蕙禎「係人定鬼」,繼而覺得今次釋法也是「抵死」,石形容這是很低層次的想法,強調大家應向中央解釋,有權不一定要用,因為行使法律賦予的權不代表尊重法治精神。
港大法律學院副教授戴耀廷亦指,今次釋法對法治破壞較過去4次更大,顯示《基本法》條文可任意被人大常委解釋,若有關解釋是無限制及無節制,將動搖一國兩制基礎。
■記者呂浩然

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載