› 選擇地區
三藩市
紐約
洛杉磯
其他美國地區
香港 台灣 北美
 
2016年11月08日

隔牆有耳:
自知「唔民主」煲呔話不忿 - 李八方

曾蔭權

卸任後好少發表政見嘅前特首曾蔭權,噚日起喺《Am730》出專欄,喺跑馬仔氣氛熾熱、以及兄弟班財爺曾俊華盛傳爭入閘時,有官司在身嘅佢咁高姿態嘅舉動,令人好多猜疑,唔通為兄弟入閘造勢?

話否決「普選」好悲痛

睇番噚日佢嘅頭炮,主要係訴心聲講出幾年嚟鬱結。煲呔話離開政府前都告誡自己退休後,唔好再對公眾事務「絮絮不休」,但認為𠵱家睇事物嘅角度唔同咗,「難免會牽動很多往事湧上心頭」,憶述當年選特首,有同事叫佢凡事唔好太上心,因為香港一日冇普選,特首作為「不民主的產物」,點都唔會討好,佢強調唔係唔明白呢一點,卻「一直有點不忿」。
佢話自從離開政府後,有機會脫下「有色眼鏡」,以唔同角度睇世情港事,覺得𠵱家對一啲政事會有更深切了解,亦可能更客觀。佢重提2007年連任特首時決心推動特首及立法會普選,而去年立法會否決「普選」特首「是何等傷心及悲痛」,強調香港須造就各黨派建立更大互信,以及佢哋同北京之間嘅互信。若然佢好兄弟曾俊華做到特首,唔知可唔可以喺呢點幫到手?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載